အဆိုပါရွေးချယ်ရာသို့ ဆေခမ်းရပ်ကွက်အတွင်းရှိ ဆယ်အိမ်မှူး (၅၉)ဦး တက်ရောက်လာခဲ့ပြီး ရပ်ကွက်အုပ်ချုပ်ရေးမှူးအဖြစ် ရွေးချယ်ရန်အတွက် ကြီးကြပ်ရေးအဖွဲ့မှ ဆောင်ရွက်ကြရာ အဆိုပါ (၅၉)ဦးသည် ရပ်ကွက်အုပ်ချုပ်ရေးမှူးအဖြစ် ၀င်ရောက် အရွေးခံရန် အစီအစဉ်မရှိကြောင်း ပြောကြားပြီး လက်ရှိ ခေတ္တဟောင်လိတ်ကျေးရွာအုပ်ချုပ်ရေးမှူးဖြစ်သည့် ဦးစိုင်းကြုံအား ဆေခမ်းရပ်ကွက်၏ အုပ်ချုပ်ရေးမှူးအဖြစ် အားလုံးမှ သဘောတူညီစွာဖြင့် အဆိုတင်သွင်းလာကြရာ ဦးစိုင်းကြုံသည် ဆေခမ်းရပ်ကွက်အုပ်ချုပ်ရေးမှူး အဖြစ် အရွေးခံရပြီး ကြီးကြပ်ရေးအဖွဲ့မှ ဦးစိုင်းကြုံအား တရားဝင် အသိအမှတ်ပြုနိုင်ရန်အတွက် မြို့နယ်အထွေထွေအုပ်ချုပ်ရေး ဦးစီးဌာနရုံးသို့ ဆက်လက်၍ တင်ပြသွားမှာ ဖြစ်ကြောင်း သိရသည်။
ဆေခမ်းရပ်ကွက်အုပ်ချုပ်ရေးမှူး ရွေးချယ်ရာမှာ အဆိုပါရပ်ကွက်မှ ကြီးကြပ်ရေးအဖွဲ့အဖြစ် ရွေးချယ်ထားသော ရပ်မိရပ်ဖ ဦးစိုင်းဆွမ်ဝန်း(ခ)ဦးစိုင်းမိုင် ပါဝင်သည့် (၅)ဦး ကော်မတီနှင့် တာချီလိတ်မြို့နယ် ဒုတိယအုပ်ချုပ်ရေးမှူး ဦးဝင်းအောင်၊ မြို့နယ်ဖွံ့ဖြိုးတိုးတက်ရေးအထောက်အကူပြု ကော်မတီ ဥက္ကဌ ဦးကြည်မြင့်၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ အတွင်းရေးမှူး ဦးကျော်ငြိမ်း၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ အဖွဲ့ဝင် ဦးစိုင်းလုံမား နှင့် အဖွဲ့မှ ကြီးကြပ်ဆောင်ရွက်ခဲ့ကြသည်။
ဟောင်လိတ်ကျေးရွာအုပ်စုအမည်အား ဖျက်သိမ်းလိုက်ပြီးနောက် ပြောင်းလဲပြင်ဆင်ဖွဲ့စည်းရာမှာ အဆိုပါ ဟောင်လိတ်ကျေးရွာအုပ်စုတွင် ကျေးရွာပေါင်း (၁၄)ရွာရှိခဲ့ပြီး ယင်း(၁၄)ရွာထဲမှ ရပ်ကွက်(၄)ခုနှင့် ကျေးရွာအုပ်စု(၁)ခုအဖြစ် ပြည်ထောင်စုသမ္မတ မြန်မာနိုင်ငံတော် ပြည်ထဲရေးဝန်ကြီးဌာန၏ အမိန့်ကြော်ငြာစာ အမှတ်(၁၁၁၂/၂၀၁၃)အရ ပြောင်းလဲပြင်ဆင် ဖွဲ့စည်းလိုက်ရာ ဆေခမ်းရပ်ကွက်၊ ရန်အောင်မြေရပ်ကွက်၊ ပါဆတ်ရပ်ကွက် အပြင် ၀ိန်းကျောက်ရပ်ကွက် စုစုပေါင်း (၄)ရပ်ကွက် နှင့် ကျေးရွာအနေဖြင့် ၀မ်လုံးကျေးရွာအုပ်စုဟူ၍ ပေါ်ထွက်လာခဲ့သည်။
