တာချီလိတ်စစ်ဗျူဟာအဖွဲ့မှ ဦးဆောင်သည့် တာချီလိတ်တပ်နယ်မှ အရာရှိ၊ အရာခံ၊ စစ်သည်များ နှင့် ရဲမေ မိသားစုများမှ ယနေ့ ကဆုန်လပြည့် မေလ(၂)ရက်နေ့ နံနက်ပိုင်းတွင် တာချီလိတ်ရွှေတိဂုံစေတီတော် ရင်ပြင်၌ သန့်ရှင်းရေးအဖြစ် လုပ်အားဒါနပြုခဲ့ကြောင်း သိရသည်။
"ကျွန်တော်တို့တွေ ရင်ပြင်ပေါ်က ရေစီးမြောင်းတွေထဲက အမှိုက်တွေကို ရေနဲ့ထိုးချတာတို့ တံမြက်စည်းနဲ့ လှဲချတာတို့အပြင် ကျောက်စာချပ်တွေကိုလည်း ဆေးကြောသန့်စင်ခဲ့ကြပါတယ်၊ တာချီလိတ်တပ်နယ်က စုစုပေါင်း အင်အား(၃၂၀)နဲ့ လာရောက်ပြီး လုပ်အားဒါနပြုခဲ့ပါတယ်.."ဟု တာချီလိတ်တပ်နယ်မှ အရာရှိတစ်ဦးက တာချီလိတ်သတင်းအေဂျင်စီသို့ ပြောသည်။
စစ်ဗျူဟာအဖွဲ့(အခြေချ) တာချီလိတ်၊ စစ်ဗျူဟာမှူး ဒုတိယဗိုလ်မှူးကြီး အောင်ကျော်မြင့် ဦးဆောင်သည့် တာချီလိတ်တပ်နယ်မှ အရာရှိ၊ အရာခံ၊ စစ်သည်များနှင့် ရဲမေ မိသားစု စုစုပေါင်း (၃၂၀)ဦးတို့သည် တာချီလိတ်ရွှေတိဂုံစေတီတော်ရင်ပြင်တွင် အမှိုက်များ နှင့် ညစ်ထေးနေသည်များကို ရေများဖြင့် ဆေးကြောခြင်း၊ ပဋိကတ်ကျောက်စာတိုင်များအား ဆေးကြောခြင်းများဖြင့် စုပေါင်းကာ လုပ်အား ဒါနပြုခဲ့ခြင်းဖြစ်သည်။
ပုံများကိုကြည့်ရန်
⊰❂ #TachileikNewsAgency
#TachileikOnlineNews
www.tachileik.net ❂⊱
#TachileikOnlineNews
www.tachileik.net ❂⊱
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
