တာချီလိတ်မှ တဆင့် ရန်ကုန်မြို့သို့ အလုပ်ကိစ္စဖြင့် ၂၀၁၅ခုနှစ် ဇွန်လ(၁၁)ရက်နေ့က ထွက်သွားခဲ့သည့် ကိုစန်းယုမြင့်သည့် ၂၀၁၅ခုနှစ် ဇူလိုင်လ(၄)ရက်နေ့အထိ ပြန်လည်ရောက်ရှိလာခြင်း မရှိသေးသည့် အတွက် ၎င်း၏ ဇနီးမှ တာချီလိတ်မြို့မရဲစခန်းတွင် လူပျောက်အဖြစ် အမှုဖွင့်တိုင်ကြားထားကြောင်း သိရသည်။
တာချီလိတ်မြို့၊ ဆန်ဆိုင်း(ခ)ရပ်ကွက်၊ ၀မ်မိုင်ရွာတွင် နေထိုင်သူ အသက်(၄၃)နှစ်ရှိ ကိုစန်းယုမြင့်သည် ၂၀၁၅ခုနှစ် ဇွန်လ(၁၁)ရက် နံနက်(၁၀)နာရီအချိန်က ခရီးသည်တင်မော်တော်ယာဉ်ဖြင့် တာချီလိတ်မြို့မှ ရန်ကုန်မြို့သို့ ထွက်ခွာသွားပြီး အင်းစိန်မြို့နယ်။ ထောက်ကြံ့၊ ဘုရားလေးကွေ့၊ တောရကျောင်းလမ်းတွင် နေထိုင်သည့် ၎င်း၏ အစ်ကိုဖြစ်သူ ဦးအောင်ဇေယျထံ ဌားရမ်းပေးထားသော မော်တော်ယာဉ်(၁)စီးအား သွားရောက် ထုတ်ယူရန်အတွက် အဆိုပါမြို့သို့ သွားရောက်တာဖြစ်ပြီး ဇွန်လ(၁၉)ရက် ညနေ (၄)နာရီဝန်းကျင်က ၎င်းအား ဇနီးဖြစ်သူ မသန်းသန်းလတ်မှ ဖုန်းဖြင့် ဆက်သွယ်ရာ ဆက်သွယ်၍ မရသည့်အတွက် ၎င်း၏ အစ်ကိုဖြစ်သူ ဦးအောင်ဇေယျအား ဖုန်းဖြင့် ဆက်သွယ်မေးမြန်းခဲ့ရာ မော်တော်ယာဉ်အား ဇွန်လ(၁၈)ရက်နေ့က ၎င်းထံမှ လာရောက်ယူဆောင်သွားပြီဖြစ်ကြောင်း သိရသော်လည်း ယနေ့ အချိန်ထိ ကိုစန်းယုမြင့်မှာ နေရပ်ဖြစ်သည့် တာချီလိတ်နေအိမ်သို့ ပြန်လည်ရောက်ရှိလာခြင်း မရှိသေးသည့်အတွက် စိုးရိမ်ပူပန်ကာ တာချီလိတ်မြို့မရဲစခန်းတွင် လူပျောက်အဖြစ် အမှုဖွင့်လှစ်ထားရှိတာဖြစ်ကြောင်း သိရသည်။
နေအိမ်သို့ ပြန်လည်ရောက်ရှိလာခြင်း မရှိသေးဘဲ ပျောက်နေသည့် အသက်(၄၃)နှစ်ရှိ ကိုစန်းယုမြင့်အား အမြန်ဆုံးတွေ့ရှိနိုင်ရေးအတွက် တာချီလိတ်မြို့မရဲစခန်းတွင် လူပျောက် အမှတ်စဉ်(၄/၂၀၁၅)ဖြင့် စုံစမ်းဆောင်ရွက်နေလျက်ရှိကြောင်း တာချီလိတ်မြို့မရဲစခန်းမှ သိရသည်။
