နှစ်စဉ် ဒီဇင်ဘာလရောက်တိုင်း မြန်မာတစ်နိုင်ငံလုံးတွင် စနေနေ့ နံနက်ပိုင်း လူထုလှုပ်ရှား အားကစားအဖြစ် လူထုလမ်းလျှောက်ပွဲများ ပြုလုပ်လျက်ရှိရာ ယခု ၂၀၁၅ခုနှစ်၏ ဒီဇင်ဘာလ စနေနေ့တိုင်းတွင် တာချီလိတ်၌လည်း လူထုလမ်းလျှောက်ပွဲများကို (၄)ကြိမ်တိုင်တိုင် ပြုလုပ်မှာဖြစ်ကြောင်း သိရသည်။
ဒီဇင်ဘာလ၏ အပတ်စဉ် စနေနေ့များဖြစ်သည့် ( ၅.၁၂.၂၀၁၅)၊ ( ၁၂.၁၂.၂၀၁၅ )၊ ( ၁၉.၁၂.၂၀၁၅ ) နှင့် ( ၂၆.၁၂.၂၀၁၅ ) စသည့် နေ့ရက်များတွင် နံနက်(၅)နာရီအချိန်၌ ရှမ်းရိုးမကွင်းအတွင်း စုရပ်အဖြစ် သတ်မှတ်ထားရှိပြီး ထိုမှ တဆင့် မြန်မာ - ထိုင်း ချစ်ကြည်ရေး အမှတ်(၂)တံတား အနီးရှိ မြို့မအားကစားကွင်းအထိ လမ်းလျှောက်ကာ ကိုယ်လက်လှုပ်ရှားအားကစား ပြုလုပ်သွားမှာဖြစ်သည့် အတွက် တာချီလိတ်ရှိ ပြည်သူများအနေဖြင့် ပါဝင် ဆင်နွှဲနိုင်မှာဖြစ်သည်။
ထိုသို့လူထုလမ်းလျှောက်ပွဲ ပြုလုပ်ရာတွင် တာချီလိတ်ခရိုင်/မြို့နယ် ဌာနဆိုင်ရာများ၊ လူမှုရေးအသင်းအဖွဲ့များ၊ ဆရာ/မနှင့်ကျောင်းသား/ကျောင်းသူများ၊ တိုင်းရင်းသားများ၊ နိုင်ငံရေးပါတီများ နှင့် ပြည်သူအများ ပါဝင်ကြမှာဖြစ်ကြောင်း သိရှိရသည်။
