"အာခါမျိုးကြီး"ဟု တိုင်းရင်းသားများအကြား နာမည်ကျော်နေသော သံစဉ်များနှင့်ကမ္ဘာ ( Melody World )တွင် ၀င်ရောက် ယှဉ်ပြိုင်နေသည့် အာခါတိုင်းရင်းသား ကိုလီဂါက ခက်ခဲသည့် အနုပညာလမ်းကြောင်းတွင် အောင်မြင်အောင် လျှောက်လှမ်းသွားမည်ဟု ဆိုသည်။
"ကျွန်တော် အနုပညာလောကထဲကို (၂၀၀၀)ခုနှစ်ကတည်းက ၀င်လာခဲ့တာပါ။ နိုင်ငံကျော် အဆိုတော်တော့ ဖြစ်ချင်တာပေါ့။ ဒါကြောင့်လည်း ကြိုးစားနေတာပါ။ ကျွန်တော့် ရည်ရွယ်ချက်၊ ရည်မှန်းချက်ကိုတော့ အောင်မြင်အောင် လျှောက်လှမ်းမှာပါ"ဟု ကိုလီဂါ(အာခါမျိုးကြီး)က ပြောသည်။
၎င်း၏ အနုပညာလှုပ်ရှားမှုတွင် အာခါဘာသာဖြင့် တေးစီးရီး(၄)ခွေထုတ်ခဲ့ပြီး မြန်မာသံစဉ်ဖြင့် စီးရီးထုတ်ရန်လည်း ရည်ရွယ်ထားကြောင်း သိရသည်။
Rock သီချင်းများကို သီဆိုသည့် ကိုလီဂါသည် Melody World ၏ 2016, Level-1အား အောင်မြင်ခဲ့ပြီဖြစ်သည်။
ရှမ်းပြည်နယ်အရှေ့ပိုင်းတွင် ကျင်းပသော တိုင်းရင်းသားပွဲတော်များတွင်လည်း သီဆိုလေ့ရှိသည့် ကိုလီဂါမှာ အာခါတိုင်းရင်းသား အဆိုတော်မျိုးကြီးဟု လူသိများကာ ဒေသတွင်း အောင်မြင်နေသော တိုင်းရင်းသားအဆိုတော်တစ်ဦးလည်း ဖြစ်သည်။
