ကျိုင်းတုံ၊ ဇွန်လ (၃၀) ရက်
သစ်မွှေးထုတ်လုပ်မှုတွင် သစ်တောထွက်ပစ္စည်းများအပေါ် လက်ရှိကောက်ခံနေသည့် သစ်တောခွန် (၂၅) ရာခိုင်နှုန်းအစား (၅)ရာခိုင်နှုန်းအထိ လျှော့ချကောက်ခံရန်ညှိနှိုင်းနေကြောင်း သစ်မွှေး လုပ်ငန်းရှင်များအသင်းမှ သိရသည်။

မြန်မာနိုင်ငံ သစ်တောဦးစီးဌာနနှင့် မြန်မာနိုင်ငံ သစ်မွှေးလုပ်ငန်းရှင်များအသင်းတို့သည် သစ်မွှေးစိုက်ပျိုး ထုတ်လုပ်ရေးလုပ်ငန်း ညှိနှိုင်းအစည်းအဝေးကို ဇွန်လ(၁၅)ရက်နေ့က နပြေည်တော် သစ်တောဦးစီး ရုံးချုပ်တွင် ကျင်းပရာ သစ်တောခွန်လျှော့ချကောက်ခံရေးအတွက် သစ်တောဦးစီးဌာနက လွှတ်တော်တွင် တင်ပြဆောင်ရွက် ပေးသွားမည်ဟု ဆုံးဖြတ်လိုက်ခြင်းဖြစ်ကြောင်း သိရသည်။

"အခုဟာက လုပ်ငန်းရှင်တွေက ကိုယ့်အရင်းအနှီးနဲ့ကိုယ် ကိုယ့်မြေပေါ်မှာ ကိုယ့်ရဲ့ရင်းနှီးမတည်ငွေနဲ့ စိုက်တဲ့အတွက် ကြိုးဝိုင်းထဲက ကောက်သလို ကောက်ရင် တရားမျှတမှုမရှိတဲ့အတွက် ပြင်ဆင်ပေးပါလို့ တင်ပြတဲ့အခါမှာ ဌာနအနေနဲ့(၁၀)ရာခိုင်နှုန်းပဲ ကောက်မယ်လို့ပြောပေမဲ့ (၁၀)ရာခိုင်နှုန်းကလည်း များတဲ့အတွက် (၅)ရာခိုင်နှုန်းပဲ ကောက်ပါလို့ ညှိနှိုင်းတဲ့အခါမှာ သူတို့က အစည်းအဝေးပြန်ထိုင်ပြီးတော့ လွှတ်တော်မှာ တင်ပြပေးပါမယ်လို့ ဆိုပါတယ်။ အခွန်တော် ကိစ္စကလည်း လျှော့ချပေးမယ့် အခြေအနေမှာရှိပါတယ်"ဟု မြန်မာနိုင်ငံ သစ်မွှေးလုပ်ငန်းရှင်များအသင်း ဥက္ကဌဦးသောင်းညွန့်က ပြောသည်။

သစ်တောထွက်ကုန်များ ရောင်းဈေးပေါ်တွင် (၂၅) ရာခိုင်နှုန်း ကောက်ခံနခြေင်းဖြစ်သော်လည်း ကိုယ်ပိုင် စိုက်ပျိုးထုတ်လုပ်ကြသည့် သစ်မွှေးထွက်ကုန်များအပေါ် အခွန်လျှော့ပေါ့ပေးရန် ညှိနှိုင်းနခြေင်း ဖြစ်ကြောင်း သိရသည်။

သစ်မွှေးအခွန်ကောက်ခံရန် သစ်မွှေးတန်ဖိုးသတ်မှတ်ရာတွင် သစ်တောဌာန၊ သစ်မွှေးလုပ်ငန်းရှင်များ အသင်း၏ ကိုယ်စားပြုကိုယ်စားလှယ်တစ်ဦး၊ မြို့နယ်များရှိ သက်ဆိုင်ရာ အဖွဲ့အစည်း တစ်ခုခုနှင့် အထွေထွေအုပ်ချုပ်ရေး ဦးစီးဌာနတို့ပါဝင်သည့် တန်ဖိုးဖြတ်ကော်မတီတစ်ခုဖြင့် တန်ဖိုးဖြတ်နိုင်ရန် ဆောင်ရွက်နေကြောင်း သစ်တောဦးစီးဌာနမှ စီစဉ်ဆောင်ရွက်ပေးမည်ဖြစ်ကြောင်း သိရသည်။

မြန်မာတစ်နိုင်ငံလုံးတွင် သစ်မွှေးစိုက်ဧကပေါင်း တစ်သောင်းကျော်ရှိပြီး သစ်မွှေးအပင်ပေါင်း (၅)သန်းခန့်အထိ ရှိနေသော်လည်း သစ်မွှေးထုတ်လုပ်မှုနှင့်ပတ်သက်၍ လိုအပ်သည့် မူဝါဒ လုပ်ထုံးလုပ်နည်းများ မရှိသေးသဖြင့် ယင်းကဲ့သို့ ညှိနှိုင်းနခြေင်းဖြစ်ကြောင်း သိရသည်။

သတင်း။ ဇွဲမြတ်