~~~~~~~~⊰❂ unicode ❂⊱~~~~~~~~

တောင်တွင်းကြီးတွင် နေအိမ်သို့ပစ္စည်းလာပို့သည့်ကျောင်းသူအား ဆရာမ၏ခင်ပွန်းက အဓမ္မပြုကျင့်ရန် ကြံစည်
*************
မကွေးတိုင်းဒေသကြီး၊ တောင်တွင်းကြီးမြို့ အထက်တန်းကျောင်းမှ ဆရာမတစ်ဦးက နေအိမ်သို့ ပစ္စည်းပို့ခိုင်းသည့် ဆဌမတန်းကျောင်းသူအား ဆရာမ၏ခင်ပွန်းက အဓမ္မပြုကျင့်ရန် ကြံစည်သဖြင့် ကျောင်းမှ နှုတ်ထွက်ခွင့်တင်ထားပြီး တောင်တွင်းကြီးမြို့မရဲစခန်းတွင် ဒီဇင်ဘာလ (၁၂)ရက်နေ့က အမှုဖွင့်ထားကြောင်း သိရသည်။

အဆိုပါ ကျောင်းသူအား ဒီဇင်ဘာ(၈)ရက်နေ့ နေ့လယ်(၁)နာရီဝန်းကျင်တွင် ဆရာမဖြစ်သူက ကျောင်းစျေးမုန့်ရောင်းသည့်ခုံကို နေအိမ်သို့အပို့ခိုင်းရာ နေအိမ်တွင်ရှိနေသည့် အဆိုပါဆရာမ၏ခင်ပွန်းဖြစ်သူ မောင်မောင်ကျော်က အဓမ္မပြုကျင့်ရန် ကြံစည်သဖြင့် ကျောင်းသူက ထွက်ပြေးလာသည်ကို ဆရာမတစ်ဦးက တွေ့သဖြင့် ကျောင်းအုပ်ဆရာမကြီးထံတင်ပြကာ ကလေး၏မိခင်အား ခေါ်ယူအသိပေးခဲ့ခြင်းဖြစ်ကြောင်း သိရသည်။

အဆိိုပါကျောင်းသူအား ယမန်နှစ်ကလည်း ဆရာမ၏ခင်ပွန်းဖြစ်သူက ကာအိန္ဒြေထိပါးစေသည့် အပြုအမူများ လုပ်ဆောင်ခဲ့သည်ဟု သိရသည်။

အဆိုပါကိစ္စနှင့်ပတ်သက်၍  ဒီဇင်ဘာလ(၈)ရက်နေ့တွင် အဆိုပါကျောင်းသူမှာ ကျောင်းနှုတ်ထွက်ခွင့် တင်ထားပြီး  ဒီဇင်ဘာ(၁၂)ရက်ညနေပိုင်းတွင် အမှုဖွင့်ရန်တိုင်တန်းသဖြင့် မောင်မောင်ကျော်အား တောင်တွင်းကြီးမြို့မရဲစခန်းတွင် (ပ)၁၉၀၆/၂၀၁၇၊ ရာဇသတ်ကြီးပုဒ်မ ၃၇၆/၅၁၁ အရ အမှုဖွင့်အရေးယူထားကြောင်း သိရသည်။

သတင်း #ဖီးနစ်