~~~~~~~~⊰❂ unicode ❂⊱~~~~~~~~

အဆိုပါ ဆွေးနွေးပွဲသို့ မိုင်းဆတ်ခရိုင်စီမံခန့်ခွဲမှုကော်မတီဥက္ကဌ ခရိုင်အုပ်ချုပ်ရေးမှူး ဦးနေမျိုးအောင် ဦးဆောင်သော ခရိုင်/မြို့နယ်စီမံခန့်ခွဲမှုကော်မတီဝင်များ၊ လွှတ်တော်ကိုယ်စားလှယ်များ၊ ရပ်မိ ရပ်ဖများနှင့်“ဝ” အထူးဒေသ(၂) တောင်ပိုင်းစစ်ဒေသမှ ဦးအားဖူ ဦးဆောင်သောအဖွဲ့ဝင်များ တက်ရောက်ဆွေးနွေးခဲ့ကြခြင်းဖြစ်ကြောင်း သိရသည်။

အဆိုပါ လမ်းပိုင်းကို “ဝ” အထူးဒေသ(၂)က ဖောက်လုပ်ထားခြင်းဖြစ်ပြီး ယခင်နှစ် မိုးရာသီက လမ်းပျက်စီး၍ ပြည်သူများသွားလာရေး ခက်ခဲမှုများ ရှိခဲ့သဖြင့် ရှမ်းပြည်နယ်အစိုးရက အဆိုပါ လမ်းပိုင်းနှင့် ပတ်သက်၍ အကြောင်းကြားခဲ့ခြင်းဖြစ်ကြောင်း သိရသည်။

အဆိုပါ လမ်းပို်င်း အသုံးပြုနေသည့် ပြည်သူများ အဆင်ပြေစေရေးအတွက် လမ်းပိုင်းအား အစိုးရအနဖြေင့် အမြန်ဆုံး ကောင်းမွန်အောင် ပြုပြင်ဆောင်ရွက်ပေးရန် လွှဲအပ်ပေးသွားမည်ဖြစ်ပြီး အထူးဒေသ(၂) တပ်ဖွဲ့ဝင်များနှင့် မိသားစုဝင်များ သွားလာရာတွင် လမ်းအသုံးပြုခ ကင်းလွတ်ခွင့်ပြုရန်ကို “ဝ”အထူးဒေသ (၂) က တောင်းဆိုထားကြောင်း သိရသည်။

အဆိုပါ လမ်းပိုင်း လွှဲပြောင်းလက်ခံနိုင်ရေးနှင့် ဆွေးနွေး ညှိနှိုင်းချက်များအား ရှမ်းပြည်နယ်အစိုးရထံ အမြန်ဆုံးတင်ပြဆောင်ရွက်သွားမည်ဖြစ်ကြောင်း ခရိုင်စီမံခန့်ခွဲမှုကော်မတီဥက္ကဌ ခရိုင်အုပ်ချုပ်ရေးမှူး ဦးနေမျိုးအောင်ထံမှ သိရသည်။

အခမ်းအနားသို့ “ဝ”အထူးဒေသ(၂)မှ ဦးအားဖူ၊ ဦးအားဖီ၊ ဦးဆမ်ကင်း၊ ဦးအိုင်ရုန်း၊ ဦးစံလော့ဒ်၊ ဦးကျော်လှ၊ ဦးအိုင်စံဘွေ၊ ဦးဟဲလူ၊ ဦးဆိုင်းခွီး၊ ဦးအားရီ၊ ဦးကျကျီး၊ ဦးအိုင်မိန်း၊ ဦးအိုင်နိုးနှင့် ဦးအိုင်သောင်းတို့ တက်ရောက်ခဲ့ကြောင်း သိရသည်။

သတင်း - သန်းဇော်ဦး
ဓာတ်ပုံ - ဇော်ဝမ်းထွန်း