~~~~~~~~⊰❂ unicode ❂⊱~~~~~~~~

တာချီလိတ်မြို့၊ ဗိုလ်ချုပ်အောင်ဆန်းလမ်းမကြီးဘေး၊ မြို့နယ်အကောက်ခွန်ဦးစီးဌာနရုံးရှေ့ရှိ ဆိုင်ခန်းရှေ့တွင် အမည်မသိ အိမ်ခြေမဲ့ အမျိုးသားတစ်ဦး သေဆုံးနေသည့်အတွက် တာချီလိတ်မြို့မရဲစခန်းမှ စခန်းမှူး ဒုရဲမှူးမျိုးခိုင်နှင့် တာဝန်ရှိသူများက စစ်ဆေးမှုများ ပြုလုပ်ပြီးနောက် တာချီလိတ်နာရေးကူညီမှုအသင်းက ပြည်သူ့ဆေးရုံရှိ ရင်ခွဲရုံသို့ ပို့ဆောင်ပေးထားကြောင်း သိရသည်။

တာချီလိတ်တွင် အိမ်ခြေမဲ့လေလွှင့်သူများ များလာပြီး ညပိုင်းများတွင် ဗိုလ်ချုပ်အောင်ဆန်း လမ်းမကြီးတစ်လျှောက်ရှိ အချို့နေရာများတွင် အိပ်ခြင်း၊ ခိုနားခြင်းများ ပြုလုပ်လေ့ရှိပြီး ယခုလို လမ်းဘေးတွင် သေဆုံးမှုများ ယခင်ကလည်း ဖြစ်ပွားလေ့ရှိကြောင်း နှင့် လမ်းဘေးတွင် သေဆုံး သူများသည် အဟာရချို့ယွင်းပြီး ကျန်းမာရေး ထိခိုက်မှုများကြောင့် ဖြစ်ကြောင်း သိရှိရသည်။

သတင်း - စိုင်းဇေယျာ
ဓာတ်ပုံ - တာချီလိတ်နာရေးကူညီမှုအသင်း