~~~~~~~~⊰❂ unicode ❂⊱~~~~~~~~

လက်ရှိ ဖွင့်လှစ်ထားရှိသော CI Team များက ဇွန်လ(၃၀)ရက်နေ့အထိ နေ့စဉ် နံနက် (၈)နာရီခွဲမှစ၍ လာရောက်လျှောက်ထားသူ ကုန်သည်အထိ ဆောင်ရွက်ပေးနေမည်ဖြစ်ပြီး Mobile Unit နှစ်ခုတွင် နေ့စဉ် အလုပ်သမားတစ်ထောင်ခန့်ထုတ်ပေးနိုင်ရေး ဆောင်ရွက်ထားကြောင်း သိရသည်။

အလုပ်သမားများအနဖြေင့် နီးစပ်ရာ Seven Eleven စတိုးဆိုင်များတွင် ဘတ်ငွေ(၃၁၀) ပေးသွင်း၍ CI စာအုပ်အား နေ့ချင်းပြီး ထုတ်ယူနိုင်ပြီး ၂၀၁၈ ခုနှစ် ဇွန်လ(၁၅)ရက်နေ့အထိ Counter Services တွင် ငွေပေးသွင်းပြီးသူဦးရေ (၄၁၀၀၀) ခန့်မှာ CI ထုတ်ယူရန်ကျန်ရှိနေကြောင်း သိရသည်။

CI ပြုလုပ်ခြင်းအတွက် အခက်အခဲ တစ်စုံတစ်ရာရှိပါက CI စခန်းတာဝန်ခံများနှင့် အလုပ်သမားသံအရာရှိ ဖုန်းနံပါတ်များဖြစ်သည့် ဦးစန်းမောင်ဦး ဝ၉၄၈၈၄၅၄၈၄၊ ဦးသန်းနိုင် ဝ၆၅၂၂၀၆၉၅၂၊ ဦးဇော်မင်းအောင် ဝ၆၅၂၂၀၆၉၅၁ (ရနောင်း)၊ ဦးအောင်မင်း ဝ၆၅၂၂၀၆၉၅၃ (မဲဆောက်)၊ ဦးဦးခင်မောင် ဝ၉၉၀၅၉၂၃၅၂ (ချင်းမိုင်)၊ ဦးရဲရန်အောင် ဝ၉၉၂၁၇၁၃၇၉ Mobile 1 တာဝန်ခံ( စမုစခွန်)၊ ဦးကျော်မျိုးသူ ဝ၈၂၃၅၃၁၂၅၉ Mobile 2 တာဝန်ခံ( အလုပ်သမားဝန်ကြီးဌာနရုံး)တို့သို့ ဆက်သွယ်နိုင်ကြောင်း သိရသည်။

မြန်မာလုပ်သားများအနဖြေင့် အထောက်အထား ထုတ်ယူရန် ထိုင်းနိုင်ငံ၊ အလုပ်သမားဝန်ကြီးဌာန တည်ရှိရာ၊ Mitr-maitri Road, Din-Daeng Bangkok တွင်လည်းကောင်း စမုဆခွန်ခရိုင်၊ ထလေထိုင်းငါးဈေးအနီးတွင် လည်းကောင်း ရွေ့လျားအဖွဲ့ဖြင့် ဆောင်ရွက်ပေးလျက်ရှိပြီး ထိုင်းနိုင်ငံ အလုပ်သမားဝန်ကြီးဌာနတွင်လည်း Work Permit Visa တစ်ပါတည်း ထုတ်ယူနိုင်စေရန် OSS စခန်းအား ပူးတွဲဖွင့်လှစ်ပေးထားကြောင်း သိရသည်။

ရွှေ့ပြောင်းလုပ်သားများအတွက် နိုင်ငံသားစိစစ်ခြင်းလုပ်ငန်းစဉ်နောက်ဆုံး ဆောင်ရွက်ပေးရန် ဖြေလျော့ပေးထားသည့် အချိန်ကာလသည် ၂၀၁၈ ခုနှစ် ဇွန်လ (၃၀)ရက်နေ့တွင် ကုန်ဆုံးမည်ဖြစ်ရာ အကြောင်း အမျိုးမျိုးကြောင့် အထောက်အထား လက်ဝယ်မရှိသူများ၊ အထောက်အထား ပြုလုပ်ထားသော်လည်း သက်ဆိုင်ရာနိုင်ငံ၏ ဥပဒေအရ Semi Process ဖြင့် ရပ်တန့်နေရသူများ၊ အထောက်အထားမရှိဘဲ နယ်စပ်ကိုဖြတ်ကျော်ဝင်ရောက်လာသူများ အားလုံးသည် လက်ရှိ အခြေအနေတွင် မိမိတို့နိုင်ငံသို့ အေးချမ်းစွာ ပြန်နိုင်ကြပြီး အလုပ်ဆက်လက်လုပ်ကိုင်နိုင်ရန်အတွက် MOU U –Turn Process အတိုင်း ဆက်လက်ဆောင်ရွက်ရန် ထိုင်းနိုင်ငံရှိ မြန်မာအလုပ်သမားသံအရာရှိရုံးက တိုက်တွန်းထားသည်။

မြန်မာ - ထိုင်းနှစ်နိုင်ငံ ညှိနှိုင်းပြီး CI ထုတ်ပေးရေးစခန်းများကို ၂၀၁၇ ခုနှစ် မတ်လမှစ၍ ဖွင့်လှစ် ဆောင်ရွက်ပေးနေရာ ယခုအချိန်အထိ CI စာအုပ်ထုတ်ယူထားသူ (၁၁)သိန်းခန့်ရှိနပြေီဖြစ်ကြောင်း သိရသည်။

ထိုင်းနိုင်ငံက ရွှေ့ပြောင်းအလုပ်သမားဆိုင်ရာဥပဒေပြောင်းလဲမှုကြောင့် အထောက်အထားမရှိသည့် ရွှေ့ပြောင်း လုပ်သားများအား အထောက်အထားထုတ်ပေးခြင်းနှင့် အထောက်အထား ပြုလုပ်နိုင်ခြင်း မရှိသူများ ဖမ်းဆီးခံရခြင်းမရှိဘဲ နေရပ်ပြန်နိုင်ရေးကို မြန်မာ - ထိုင်းနှစ်နိုင်ငံသဘောတူညီမှုဖြင့် ၂၀၁၈ ခုနှစ် ဇွန်လ (၃၀)ရက်နေ့အထိ ခွင့်ပြုထားခြင်းဖြစ်သည်။