Tachileik News Agency

~~~~~~~~⊰❂ unicode ❂⊱~~~~~~~~

လမ်းမကြီးများကို BOT စနစ်ဖြင့်လုပ်ကိုင်နေသည့် ကုမ္ပဏီများအား စည်းကမ်းလိုက်နာမှုအခြေအနေ စစ်ဆေးအရေးယူရန် လွှတ်တော်တွင် ဆွေးနွေးနေ
*****************
လမ်းမကြီးများကို BOT စနစ်ဖြင့် ရယူဆောင်ရွက်နေကြသည့် ကုမ္ပဏီများ စာချုပ်ပါစည်းမျဉ်းစည်းကမ်းများ လိုက်နာမှုအခြေအနေအား စစ်ဆေးရန်နှင့် မလိုက်နာသည့် ကုမ္ပဏီများ အရေးယူရန် ပြည်ထောင်စုအစိုးရအား တိုက်တွန်းသည့်အဆိုကို တပ်မတော်သား ကိုယ်စားလှယ်(၂)ဦးအပါအဝင် ပြည်သူ့လွှတ်တော်ကိုယ်စားလှယ် (၁၇)ဦးက ဆွေးနွေးနေကြောင်း သိရသည်။

ယင်းအဆိုကို ၂၀၁၈ ခုနှစ်၊ သြဂုတ်လ (၆)ရက်နေ့တွင် ကျင်းပနေသည့် ဒုတိယအကြိမ် ပြည်သူ့လွှတ်တော် နဝမ ပုံမှန်အစည်းအဝေး ဆဋ္ဌမနေ့အစည်းအဝေးတွင် ဆွေးနွေးနေကြခြင်းဖြစ်သည်။
မြန်မာနိုင်ငံတစ်ဝန်းတွင် BOT (Build,Operate,Transfer )စာချုပ်များဖြင့် ဆောင်ရွက်လျက်ရှိကြသော လမ်းမကြီးများသည် နိုင်ငံတော်နှင့် ချုပ်ဆိုခဲ့ကြသော စာချုပ်ပါ စည်းမျဉ်းစည်းကမ်းအတိုင်း လိုက်နာဆောင်ရွက်ကြခြင်း ရှိ၊ မရှိ စိစစ်၍ တာဝန်ကျေ၊ တာဝန်ခံမှု မရှိသူများကို အရေးယူဆောင်ရွက်မှုများ ပြုလုပ်ရန်နှင့် စည်းမျဉ်းစည်းကမ်းများအတိုင်း လိုက်နာလာစေရေး စီမံခန့်ခွဲ ထိန်းချုပ်ခြင်းဖြင့် နိုင်ငံတော်-ပုဂ္ဂလိက ပူးပေါင်းသည့် PPP (Private-Public-Partnership) ပြည်သူ့ဝန်ဆောင်မှု စနစ်ကောင်းများ ဖြစ်ပေါ်လာစေရန်ပြည်ထောင်စုအစိုးရအား တိုက်တွန်းကြောင်း အဆိုကို အောက်ပါ ဦးကျော်ဆွေဝင်း၊ ကော့မှူး မဲဆန္ဒနယ်က တင်သွင်းထားခြင်းဖြစ်သည်။

ယင်းအဆိုကို အောင်လံ မဲဆန္ဒနယ်မှ  ပြည်သူ့လွှတ်တော်ကိုယ်စားလှယ် ဦးအောင်ထူးမြင့်၊ လေးမျက်နှာ မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးဇော်မင်းသိန်း၊ ဒဂုံမြို့သစ်(မြောက်ပိုင်း) မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါက်တာဦးခင်မောင်မောင်၊ သိန္နီ မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးစိုင်းဦးခမ်း၊ ကျေးသီး မဲဆန္ဒနယ်မှ ဦးစိုင်းအောင်ကျော်၊ စဉ့်ကူး မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါက်တာဦးဇော်ဝင်းမြင့်၊ မင်းဘူး မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးဝင်းဝင်း၊ တွံတေး မဲဆန္ဒနယ်မှ လွှတ်တော်ကိုယ်စားလှယ် ဦးမြင့်လွင်၊ တပ်မတော်သားကိုယ်စားလှယ် ဗိုလ်မှူးရဲစိုးနှင့်  ဗိုလ်မှူးဆွေမြင့်ဦး၊ ရွှေကူ မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးဇာနည်မင်း၊ ဂန့်ဂေါ မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ယဉ်မင်းလှိုင်၊ မုံရွာ မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးညွန့်အောင်၊ ဒီပဲယင်း မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးဝင်းမြင့်အောင်၊ ချောက် မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးဘိုကြီး၊ ကျောက်ဖြူ မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးဘရှိန်၊ ဒေးဒရဲ မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါက်တာဒေါ်ခင်ညိုတို့က ဆွေးနွေးနေကြခြင်းဖြစ်သည်။

အဆိုနှင့်စပ်လျဉ်း၍ ပြည်သူ့လွှတ်တော်ကိုယ်စားလှယ်များက ဆွေးနွေးပြီးပါက သက်ဆိုင်ရာ ပြည်ထောင်စုအဆင့်အဖွဲ့အစည်းဝင်က ပြန်လည်ရှင်းလင်း ဆွေးနွေးခြင်းကာ လွှတ်တော်၏ အဆုံးအဖြတ်ရယူမည်ဖြစ်သည်။
Tachileik News Agency