~~~~~~~~⊰❂ unicode ❂⊱~~~~~~~~

ရှမ်းပြည်နယ်(မြောက်ပိုင်း) နမ့်ခမ်းမြို့၊ ဟိုနောင်ရပ်ကွက်တွင် နောင်မောင်ကုန်မာဆိုင်ဖွင့်ထားသည့် နေအိမ်၌် TNLA က လာရောက် ဖမ်းဆီးသွားသည့် အမျိုးသမီးကို ပြန်လွှတ်ပေးရန် ၂၀၁၈ ခုနှစ်၊ စက်တင်ဘာလ (၇) ရက်နေ့က နမ့်ခမ်းမြို့ လွတ်လပ်ရေး ကျောက်တိုင်ကွင်းတွင် ဆန္ဒထုတ်ဖော်နကြေကြောင်း သိရသည်။

“ဆန္ဒဖော်ထုတ်နေတာကိုတော့ ကျွန်တော်တို့ ရဲတပ်ဖွဲ့ ရယ်၊ မီးသတ်တပ်ဖွဲ့၊ အုပ်ချုပ်ရေးအဖွဲ့တွေရော လုံခြုံရေး ဆောင်ရွက်ပေးနေပါတယ်။ သူတို့လည်း အေးချမ်းစွာနဲ့ပဲ ဆန္ဒဖော်ထုတ်နေပါတယ်။ အဓိက ကတော့ ဖမ်းဆီးခံရသူကို ကောင်းကောင်းမွန်မွန် ပြန်လွှတ်ပေးဖို့ တောင်းဆိုနကြေတာပါ” ဟု နမ့်ခမ်းမြို့မရဲစခန်းမှ စခန်းမှူး ဒုတိယရဲမှူး မင်းတင်က တာချီလိတ်သတင်းအေဂျင်စီသို့ ပြောသည်။

ဖမ်းဆီးခံရသူ အမျိုးသမီး၏ မိသားစုဝင်များက ဦးဆောင်၍ နမ့်ခမ်းမြို့လယ်ရှိ လွတ်လပ်ရေး ကျောက်တိုင်ရှေ့ ပန်ပွဲကွင်းတွင် နံနက် (၉) နာရီမှ (၁၁) နာရီအထိ ငြိမ်းချမ်းစွာ ဆိုင်းဘုတ်ကိုင်ဆောင် ဆန္ဒထုတ်ဖော်ခြင်း ဖြစ်ကြောင်း သိရသည်။

နမ့်ခမ်းမြို့မှ အသက်(၃၇)နှစ်အရွယ် ဒေါ်နန်းမိုဟွမ်ကို၎င်း၏ နေအိမ်တွင် နံနက်စာ စားနေစဉ် သြဂုတ်လ (၁၇) ရက်နေ့ နံနက်ပိုင်း၌ TNLA ဝတ်စုံဝတ်ထားသည့် လက်နက်ကိုင်အဖွဲ့က ဝင်ရောက် ဖမ်းဆီးသွားခဲ့ခြင်းဖြစ်ကာ နေအိမ်ရှိ CCTV မှတ်တမ်းများ ဖျက်ဆီးကာ Hard disk လည်း ယူဆောင် သွားခဲ့သဖြင့် မိသားစုက ရဲတပ်ဖွဲ့ထံ တိုင်ကြားခဲ့ခြင်းဖြစ်ကြောင်း သိရသည်။

ယင်းကဲ့သို့ လုပ်ဆောင်ခြင်းသည် ပြည်သူတစ်ဦး၏ အခွင့်အရေးကို ချိုးဖောက်ခြင်းဖြစ်သဖြင့် ရှုံ့ချ ကန့်ကွက်ကြောင်းနှင့် ဖမ်းဆီးထားသည့် အမျိုးသမီးအား အမြန်ဆုံးပြန်လွှတ်ပေးရန် ဖမ်းဆီး သွားသူများအား တောင်းဆိုကြောင်းကို လူငယ်ကွန်ယက်(နမ့်ခမ်းမြို့)က သြဂုတ်လ (၁၉) ရက်နေ့တွင် ထုတ်ပြန်ချက် တစ်စောင်ကို ထုတ်ပြန်ခဲ့ခြင်းဖြစ်သည်။

ယင်းသို့ ဖမ်းဆီးခံရပြီး (၁၈)ရက်မြောက်နေ့ဖြစ်သည့် စက်တင်ဘာလ(၃)ရက်နေ့တွင် TNLA က အဆိုပါ အမျိုးသမီးအား၎င်းတို့ ဖမ်းဆီးသွားခြင်းဖြစ်ပြီး ဒေါ်နန်းမိုဟွမ်သည် PSLF/TNLA၏ လုပ်ငန်းတာဝန်ကို နှောင့်ယှက်သဖြင့် အရေးယူရန် ဖမ်းဆီးခြင်းဖြစ်ကြောင်းနှင့် စီရင်ချက်ချမည့်နေ့တွင် ဒေါ်နန်းမိုဟွမ်၏ ဆွေမျိုးသားချင်းနှင့် အများပြည်သူရှေ့မှောက်တွင် စီရင်ဆုံးဖြတ်သွားမည်ဟု သတင်းထုတ်ပြန်လာသည်ကို တွေ့ရသည်။

စက်တင်ဘာလ (၃)ရက်နေ့က လူမှုကွန်ယက်တွင် ဖော်ပြလာသည့် PSLF/TNLA သတင်းနှင့်ပြန်ကြားရေးက ဒေါ်နန်းမိုဟွမ်နှင့် စပ်လျဉ်း၍ သတင်းထုတ်ပြန် ရှင်းလင်းချက်တွင် “PSLF/TNLA အကောက်ခွန် ဦးစီးဌာနမှ အကောက်ခွန်ဝန်ထမ်းများ လုပ်ငန်း တာဝန်ထမ်းဆောင်စဉ် ဝန်ထမ်းများအား အပြင်းအထန် ထိခိုက်သေဆုံးသည် အထိ ဒေါ်နန်းမိုဟွမ်က တာဝန်ဝတ္တရား နှောက်ယှက်ခဲ့သောကြောင့် ဥပဒေအရ အရေးယူပေးပါရန် PSLF/TNLA ဗဟိုတရားရုံးသို့ အမှုဖွင့် တိုင်ကြားခဲ့ပါသည်။”ဟု ရေးသားထားသည်ကို တွေ့ရသည်။

၎င်းတို့အဖွဲ့ အနဖြေင့် ဒေါ်နန်းမိုဟွမ်အား အမှုစတင် လက်ခံစစ်ဆေးမည်ဖြစ်ကြောင်းနှင့် စီရင်ချက်ချသည့် နေ့တွင် ဆွေမျိုးသားချင်းနှင့် အများပြည်သူရှေ့မှောက်တွင် စီရင်ဆုံးဖြတ်ချက်ချနိုင်ရန် စီစဉ် သွားမည်ဟုလည်း ဖော်ပြထားသည်ကို တွေ့ရသည်။

TNLA သည် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) တွင် လက်မှတ်ရေးထိုးထားခြင်း မရှိသည့် လက်နက်ကိုင်အဖွဲ့တစ်ခုဖြစ်သည်။

သတင်း - နဖြေိုးမြင့်
ဓာတ်ပုံ - Thaung Htun