~~~~~~~~⊰❂ unicode ❂⊱~~~~~~~~

“သူတို့အားတဲ့ အချိန်နဲ့ ကျွန်တော်တို့က လွှတ်တော်ကျင်းပမယ့် အချိန်နဲ့ဆိုတော့ မသွားနိုင်လို့ လွှတ်တော်ပြီးတဲ့ အချိန်မှ နှစ်ဖက်ညှိပြီး သွားရောက် လက်ခံရမှာပါ။ မူလကတော့ ဒီလ (၈)ရက်နဲ့ (၉)ရက်နေ့တွေမှာ လက်ခံဖို့ပါပဲ။ ဒါပေမဲ့ သူတို့ဘက်က အဲဒီရက်မှာ မအားတဲ့အတွက် သူတို့ရွှေ့တဲ့ ရက်ကလည်း ဒီဘက်က လွှတ်တော်ကျင်းပတဲ့ရက် ဖြစ်နေတော့ ထပ်ရွှေ့ထားပါတယ်။ လွှဲပြောင်းတာ လက်ခံရမယ့် အဖွဲ့ထဲမှာ ပြည်နယ်အစိုးရအဖွဲ့၊ ပြည်ထောင်စုက ဆောက်လုပ်ရေးဝန်ကြီးဌာန၊ နယ်စပ်ရေးရာဝန်ကြီးဌာနတို့ လည်းပါတော့ သူတို့အားလုံးရော ဟိုဘက်ကအဖွဲ့ရော အဆင်ပြေတဲ့ရက်ကို ပြန်ညှိကြရမှာပါ”ဟု ရှမ်းပြည်နယ်အစိုးရအဖွဲ့ဝင် လမ်းပန်းဆက်သွယ်ရေးဝန်ကြီး ဦးခွန်ရဲထွေးက တာချီလိတ်သတင်းအေဂျင်စီသို့ စက်တင်ဘာလ(၇)ရက်နေ့တွင် ပြောသည်။

UWSA “ဝ” အထူးဒေသ(၂)က ၂၀၁၈ ခုနှစ် မေလ(၆)ရက်နေ့တွင် မိုင်းဆတ်ခရိုင် အထွေထွေ အုပ်ချုပ်ရေးမှူးရုံး၌ တာချီလိတ် - မိုင်းဆတ်ခရိုင်ချင်းဆက်လမ်းအပါအဝင် လမ်းပိုင်း(၇)ခုကို ပြည်ထောင်စု အစိုးရအဖွဲ့သို့ အပ်နှံခဲ့ပြီး ဆောက်လုပ်ရေးဝန်ကြီးဌာနအနဖြေင့် လက်ခံပြုပြင် ပေးနိုင်ကြောင်း သဘောထားမှတ်ချက်နှင့်အတူ ပြည်ထောင်စုအစိုးရနှင့် ငြိမ်းချမ်းရေးကော်မရှင်တို့ထံမှ သဘောထားမှတ်ချက်ပေးရန် တင်ပြခဲ့ခြင်းဖြစ်သည်။

“သူတို့က လွှဲမယ်လို့ပြောထားတယ်။ လွှဲတဲ့အပေါ်မှာ မူတည်ပြီးတော့ ကျွန်တော်တို့က လက်ခံရမှာ ဖြစ်တဲ့အတွက် ပြည်ထောင်စုအဆင့်ကို တင်ပြပါတယ်။ ပြည်ထောင်စုအဆင့်ကနေ နောက်ဆုံးအဖြေက လက်ခံပါ။ သူတို့ဆီက တောင်းဆိုထားတာကိုလည်း လုပ်နိုင်အောင်လုပ်ပေးပါဆိုတာ ပြောထားပါတယ်။ ဒီတော့ ကျွန်တော်တို့ မကြာခင်မှာပဲ သွားရောက်လက်ခံပါ့မယ်”ဟု ရှမ်းပြည်နယ်အစိုးရအဖွဲ့ဝင် လမ်းပန်းဆက်သွယ်ရေးဝန်ကြီး ဦးခွန်ရဲထွေးက ပြောသည်။

တာချီလိတ် - မိုင်းဆတ်ကားလမ်း ဆိုးဝါးစွာပျက်စီးနေမှုအား ရာသီမရွေးသွားလာနိုင်မည့်လမ်းအဖြစ် ပြုပြင်ပေးရန် ပြည်သူ့လွှတ်တော်တွင် မိုင်းတုံမဲဆန္ဒနယ်မှ ဦးအောင်ကျော်ဦးက ၂၀၁၇ ခုနှစ် နိုဝင်ဘာလ (၁)ရက်နေ့က မေးခွန်းမေးမြန်းခွင့် တင်ပြထားခဲ့ပြီးနောက် ခြောက်လကျော်အကြာ မေလတွင် အဆိုပါ မေးခွန်းအား လွှတ်တော်၌ တင်ပြခွင့်ရခဲ့ရာ အဆိုပါလမ်းပိုင်းကိစ္စနှင့်ပတ်သက်၍ ၂၀၁၈ ခုနှစ် မေလ (၂၇)ရက်နေ့တွင် ကျင်းပသည့် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာနအစည်းအဝေးတွင်“ဝ”အထူးဒေသမှ တာဝန်ရှိသူများနှင့် ဆွေးနွေးထားကြောင်း နယ်စပ်ရေးရာဝန်ကြီးဌာန ဒုတိယဝန်ကြီး ဗိုလ်ချုပ်သန်းထွဋ်က လွှတ်တော်တွင် ပြန်လည်ဖြကြေားခဲ့ခြင်းဖြစ်သည်။

“ဆောက်လုပ်ရေး ဝန်ကြီးဌာနက ဒီလမ်းပိုင်းကို လွှဲပြောင်းလက်ခံယူမယ်။ လက်ခံပြီးတာနဲ့ ငွေကောက်တာတွေ တစ်ခါတည်း ရပ်ဆိုင်းမယ်ပေါ့။ “ဝ”က ပြန်လွှဲတဲ့လမ်းပိုင်း (၇)ပိုင်းရှိတယ်။ ဒီလမ်းပိုင်းတွေထဲမှာ ဆောက်လုပ်ရေးလက်ခံရမယ့်အပိုင်းကို လာလက်ခံမှာ။ နတလ(နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာန)က လက်ခံရမယ့်အပိုင်းတွေက မိုင်းဆတ်မြို့နယ် ထဲမှာရှိတဲ့ ကျေးရွာချင်းဆက်လမ်းတွေကို လက်ခံရမှာ။ နတလကလည်း သူတို့လက်ခံရမယ့်လမ်းပိုင်းတွေ သွားစစ်ဆေး ကြည့်ရှုနေပါတယ်။ မြို့နယ်ချင်းဆက်၊ ခရိုင်ချင်းဆက်လမ်းတွေကိုကျတော့ ဆောက်လုပ်ရေးက လက်ခံရမှာပါ” ဟု မိုင်းတုံမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးအောင်ကျော်ဦးက တာချီလိတ်သတင်းအေဂျင်စီသို့ ပြောသည်။

တာချီလိတ် - မိုင်းဆတ်လမ်းပိုင်းမှာ စုစုပေါင်း (၆၀.၄)မိုင်ရှည်လျားပြီး ၁၉၉၂ ခုနှစ်တွင် "ဝ"အထူးဒေသ(၂) တောင်ပိုင်းက ဟုန်ပန်းကုမ္ပဏီဖြင့် ဖောက်လုပ်ခဲ့ကာ ယာဉ်ဖြတ်သန်းခ ကောက်ခံနခြေင်း ဖြစ်သော်လည်း လမ်းပို်င်း ပျက်စီးမှုကို ပြုပြင်နိုင်ခြင်းမရှိသဖြင့် ဆောက်လုပ်ရေးဝန်ကြီးဌာနသို့ လွှဲပြောင်းပေးရန် ၂၀၁၈ ခုနှစ်အတွင်း ဆွေးနွေးခဲ့ခြင်းဖြစ်သည်။

အဆိုပါ လမ်းမှာ အကျယ် ပေ (၂၀)၊ အရှည် မိုင် (၆၀)ရှိပြီး လမ်းပိုင်းရှိ အတက်အဆင်းကြီးမားသည့် လွယ်ဆမ်ဆုန်တောင်ကြီး၏ (၆)မိုင်ခန့်အရှည်ကို ကတ္တရာလမ်းခင်းထားကာ လမ်းပိုင်းအတွင်း သုံးမိုင်ငါးဖာလုံခန့်မှာ မြေသားဖြစ်သဖြင့် ပျက်စီးနခြေင်းဖြစ်ကြောင်း သိရသည်။

Tachileik News Agency