~~~~~~~~⊰❂ unicode ❂⊱~~~~~~~~

နိုင်ငံတော်သမ္မတရုံးဝန်ကြီးဌာန၏ ဒုဝန်ကြီး ဦးမင်းသူကို ပြည်ထောင်စုအစိုးရအဖွဲ့ရုံးဝန်ကြီးအဖြစ် အမည်စာရင်းတင်သွင်း
************
လစ်လပ်နေသည့် ပြည်ထောင်စုအစိုးရအဖွဲ့ရုံးဝန်ကြီးအဖြစ် နိုင်ငံတော်သမ္မတရုံးဝန်ကြီးဌာန၏ ဒုတိယဝန်ကြီး ဦးမင်းသူကိုခန့်အပ်ရန် ပြည်ထောင်စု လွှတ်တော်သို့ နိုင်ငံတော်သမ္မတက အမည်စာရင်း တင်သွင်းထားမှုနှင့်စပ်လျဉ်း၍ ၂၀၁၈ ခုနှစ် နိုဝင်ဘာလ(၂၉)ရက်နေ့တွင် ဆွေးနွေးကြမည်ဖြစ်သည်။

ဒုတိယအကြိမ် ပြည်ထောင်စုလွှတ်တော် ဒသမပုံမှန်အစည်းအဝေး စတုတ္ထနေ့အဖြစ်ကျင်းပသည့် ၂၀၁၈ ခုနှစ် နိုဝင်ဘာလ (၂၆)ရက်နေ့အစည်းအဝေးတွင် လစ်လပ်နေသည့် ပြည်ထောင်စုအစိုးရအဖွဲ့ရုံး ဝန်ကြီးအဖြစ် ဦးမင်းသူကိုခန့်အပ်ရန် နိုင်ငံတော်သမ္မတက အမည်စာရင်းတင်သွင်းထားခြင်းဖြစ်သည်။

နိုင်ငံတကာက ပေးအပ်သည့်အကူအညီများကို ထိရောက်စွာကြီးကြပ်ဆောင်ရွက်ရန်နှင့် ပြည်တွင်း၊ ပြည်ပ ရင်းနှီးမြှုပ်နှံမှုများ ထိရောက်စွာမြှင့်တင်ရန် (၂၅) ခုမြောက်ဝန်ကြီးဌာနအသစ်အဖြစ် ဖွဲ့စည်းလိုက်သည့် ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၌ ပြည်ထောင်စုဝန်ကြီးအဖြစ် ပြည်ထောင်စုအစိုးရအဖွဲ့ရုံးဝန်ကြီး ဦးသောင်းထွန်းကို ပြောင်းလဲခန့်အပ်ထားခြင်းကိုလည်း ပြည်ထောင်စုလွှတ်တော် ဒသမပုံမှန်အစည်းအဝေး စတုတ္ထနေ့တွင် လွှတ်တော်က မှတ်တမ်းတင်လိုက်သည်။

Tachileik News Agency