~~~~~~~~⊰❂ unicode ❂⊱~~~~~~~~

ထိုင်းနိုင်ငံရှိ မြန်မာလုပ်သားများအနက် ၂၀၁၂ - ၂၀၁၃ ခုနှစ်တွင် ထုတ်ပေးခဲ့သော ယာယီနိုင်ငံကူး လက်မှတ် ( ခရမ်းရောင်ပတ်စ်ပို့ )များ၊ CI စာအုပ်များမှ ပတ်စ်ပို့အကြီး ပြောင်းလဲလျှောက်ထားလိုသူများ၊ MOU စနစ်ဖြင့် လာရောက်ပြီး (၄) နှစ်ပြည့်၍ စာအုပ်အသစ် ထပ်မံသက်တမ်းတိုး လျှောက်ထားခြင်း လုပ်ငန်းများကို ပြုလုပ်ပေးနိုင်ရန် Data Collection Center ဖွင့်လှစ်ပေးနိုင်ရေး နှစ်နိုင်ငံ ညှိနှိုင်းဆောင်ရွက်လျှက်ရှိရာ ထိုင်းနိုင်ငံဘက်မှ သဘောတူညီမှုအချို့ရထားပြီးဖြစ်ကြောင်း သိရသည်။

Data Collection Center ဖွင့်လှစ်ပြီးပါက ၂၀၁၃ ခုနှစ်၌ ထုတ်ပေးထားသည့် ခရမ်းရောင်စာအုပ်ဖြင့် ထိုင်းနိုင်ငံအတွင်း တရားဝင်နေထိုင် အလုပ်လုပ်ကိုင်ခွင့်ရရှိထားသူများ သက်တမ်းတိုးရန်၊ PJ စာအုပ် အကြီး ထပ်မံထုတ်ယူရန်၊ အလုပ်လုပ်ကိုင်ခွင့်သက်တမ်းတိုးရန်နှင့် ၂၀၁၇ ခုနှစ်မှ ၂၀၁၈ ခုနှစ် အထိ ထုတ်ပေးခဲ့သော CI စာအုပ်များအား PJ စာအုပ်အကြီး လျှောက်ထားခြင်းတို့ကို ပထမပိုင်းအနဖြေင့် လုပ်ဆောင်နိုင်မည် ဖြစ်ကြောင်း သိရသည်။

ယင်းနောက် ၂၀၁၅ ခုနှစ်မှစ၍ MOU စနစ်ဖြင့်လာရောက်ပြီး (၄) နှစ်ပြည့်၍ MOU စနစ်ဖြင့် ဆက်လက် အလုပ်လုပ်ကိုင်ကြမည့်သူများအနဖြေင့် စာအုပ်သက်တမ်းတိုးရန်နှင့် စာချုပ်ပြန်ချုပ်ရန်အတွက် Data Collection Center တွင် Passport ကြိုတင်လျှောက်ထားခြင်းများ လုပ်ဆောင်နိုင်မည်ဖြစ်ကြောင်း သိရသည်။

နိုင်ငံသားစိစစ်ခြင်းအောင်မြင်သူများမှာ ပတ်စပို့စာအုပ်ထုတ်ယူရန် စာအုပ်ဖိုးငွေ (၁,ဝ၅၀)ဘတ်နှင့် 7-Eleven ဆိုင်များတွင် ဝန်ဆောင်ခ (၁၀) ဘတ် စုစုပေါင်း(၁,ဝ၆၀)ဘတ်အား Data Collection Center မှ ပေးသည့် DEO စလစ်အားပြသ၍ ပေးသွင်းရမည်ဖြစ်ပြီး ငွေလက်ခံရရှိသည့် စလစ်နှင့် Data Collection Center တွင် Passport အားထုတ်ယူ ရမည်ဖြစ်ပြီး ထိုင်းနိုင်ငံအတွင်း နေထိုင်ခွင့်၊ အလုပ် လုပ်ကိုင်ခွင့် အတွက် စာအုပ်အသစ်တွင် တာဝန်ခံ ရဲမှူးကြီးက Observation လက်မှတ်ရေးထိုးပေး၍၎င်းစာမျက်နှာနှင့် ယခင်စာအုပ် အဟောင်းအားပြ၍ Data Collection Center တွင် One Stop Service ဖြင့်လည်းကောင်း၊ နေထိုင်ရာ မြို့နယ်ခရိုင်များရှိ သက်ဆိုင်ရာဌာနများတွင် လည်းကောင်း ဆက်လက် ဆောင်ရွက်ရမည် ဖြစ်ကြောင်း သိရသည်။

Tachileik News Agency