ရှမ်းပြည်နယ်အရှေ့ပိုင်း၊ တာချီလိတ်မြို့တွင် ထိုင်းနိုင်ငံမှ ဝယ်ယူဖြန့်ဖြူးပေးနေသည့် လျှပ်စစ်ဓါတ်အားကို ၂၀၁၉ ခုနှစ်၊ ဖေဖေါ်ဝါရီလ (၁)ရက်နေ့မှစ၍ အသုံးပြုသည့် လျှပ်စစ်မီတာခနှင့် ပတ်သက်၍ တစ်ယူနစ်လျှင် ဘတ်ပြား(၅၀)နှုန်း လျှော့ချ ကောက်ခံသွားတော့မည် ဖြစ်ကြောင်း သက်ဆိုင်ရာ ရပ်ကွက်၊ကျေးရွာအုပ်ချုပ်ရေးမှူးများထံ မီးလင်းရေးကော်မတီက အကြောင်းကြားထားကြောင်း သိရသည်။
တာချီလိတ်မြို့မီးလင်းရေးကော်မတီက ၂၀၁၉ ခုနှစ်၊ ဇန်နဝါရီလ (၂၃)ရက်နေ့က ချုပ်ဆိုလိုက်သည့် လျှပ်စစ်ဓါတ်အားရောင်းဝယ်ခြင်း နှစ်ဖက်လုပ်ငန်းသဘောတူစာချုပ်အရ လျှပ်စစ်ဓါတ်အားများ လျှော့ချပေးခြင်းဖြစ်ရာ အိမ်သုံးမီတာများမှာ ယခင်က တစ်ယူနစ်လျှင် (၆)ဘတ်နှုန်းကောက်ခံနေရာမှ (၅)ဘတ်ခွဲသို့ လည်းကောင်း ပါဝါမီတာများကို ယခင်က တစ်ယူနစ်လျှင် (၇)ဘတ် (၂၅)ပြားနှုန်းကောက်ခံနေရာမှ (၆)ဘတ် (၇၅)ပြားသို့ ပြောင်းလဲကောက်ခံမည်ဖြစ်ကြောင်း သိရသည်။
မြို့မီးလင်းရေးကော်မတီက ၂၀၁၈ ခုနှစ်အထိ (၁၅)နှစ်တာ ကာလအတွင်း ထိုင်းနိုင်ငံမှ လျှပ်စစ်ဓါတ်အား ဝယ်ယူရေး စာချုပ် ချုပ်ဆိုရာတွင် Myanmar Allure Group Co.,Ltd က ထိုင်းနိုင်ငံမှ ဝယ်ယူသည့် မီတာ တစ်ယူနစ်လျှင် တစ်ဘတ်နှုန်း အကျိုးဆောင်ခယူ၍ စာချုပ်ချုပ်ဆိုခဲ့ကာ တစ်ယူနစ်လျှင် ထိုင်းဘတ် (၃)ဘတ် (၇၅)ပြားဖြင့် ဝယ်ယူသည့် လျှပ်စစ်မီးကို အိမ်သုံးမီတာအတွက် တစ်ယူနစ်လျှင် (၆)ဘတ်၊ လုပ်ငန်းသုံး မီတာများအတွက် တစ်ယူနစ်လျှင် (၇.၂၅)ဘတ် နှုန်းဖြင့် ဖြန့်ဖြူးနေရာမှ ၂၀၁၉ ခုနှစ်တွင် မီတာခကို ဘတ်ပြား(၅၀)နှုန်းလျှော့ချလာခြင်းဖြစ်သည်။
ယင်းကဲ့သို့ လျှော့ချနိုင်ရန်အတွက် မီးလင်းရေးကော်မတီက ထိုင်းနိုင်ငံမှ ပေးပို့နေသည့် လျှပ်စစ်ဓါတ်အား ပျောက်ဆုံးယူနစ်များကို စစ်ဆေးမှုပြုလုပ်နေခြင်းဖြစ်ကြောင်း သိရသည်။
“ဖေဖေါ်ဝါရီလ (၁)ရက်နေ့က စလျှော့မယ်ဆိုတော့ Votage ဘယ်လောက်ထိ ဟိုဘက်က (ထိုင်းနိုင်ငံဘက်) ဝင်လာသလဲ။ သုံးလဖတ်မယ်။ ကြိုးသစ် လဲလိုက်တဲ့အခါမှာ တစ်လ၊ တစ်လ ပျောက်ဆုံးယူနစ် ဘယ်လောက်ထိ ကျသွားသလဲ။ အဲဒါကို သိချင်လို့ ကြိုးသစ်တွေလဲတာ”ဟု တာချီလိတ်မြို့ မီးလင်းရေးကော်မတီမှ တွဲဖက်အတွင်းရေးမူး ဦးကျော်စွာလွင်က တာချီလိတ် သတင်းအေဂျင်စီသို့ ပြောကြားထားသည်။
ထိုင်းနိုင်ငံနှင့်နယ်စပ် တာချီလိတ်မြို့တွင် မြန်မာကျပ်ငွေအစား ထိုင်းဘတ်ငွေကိုသာ ဒေသသုံးငွေကြေး အဖြစ် အသုံးပြုနေကြခြင်းဖြစ်ရာ မီးလင်းရေးကော်မတီက လျှပ်စစ်ဓါတ်အားအသုံးပြုခကို ဘတ်ငွေဖြင့် ကောက်ခံနေခြင်းဖြစ်သည်။
Tachileik News Agency
