ပါေမာကၡခ်ဳပ္ဆရာေတာ္ဘုရား က်န္းမာေရး အေျခအေနအရ အနားယူရန္လိုအပ္ေန၍ ခရီးသြား လာျခင္းႏွင့္ တရားဓမၼေဟာၾကားျခင္းမ်ားကို ၂၀၁၉ခုႏွစ္ ေဖေဖာ္၀ါရီလ(၁၉)ရက္ေန႔မွ စ၍ အခ်ိန္ကာလအားျဖင့္ (၃)လ လံုး၀ရပ္နားထားမည္ ျဖစ္ေၾကာင္း ၂၀၁၉ခုႏွစ္ ေဖေဖာ္၀ါရီလ(၁၉)ရက္ေန႔ ညေနပိုင္းက အနီးကပ္ တပည့္ဒါယိကာ ဒါယိကာမမ်ားက လူမႈကြန္ရက္တြင္ အသိေပးထားရွိသည္။
ဆရာေတာ္ ေဒါက္တာနႏၵမာလာဘိဝံသ စကၤာပူႏိုင္ငံတြင္ က်န္းမာေရး ေဆးစစ္မႈျပဳလုပ္ရာ၌ အသည္းရွိ အက်ိတ္မွာ အခ်ိန္ကာလ (၃)လအတြင္း ၁.၄၃ စင္တီမီတာ မွ ၂.၂၁ စင္တီမီတာခန္႔အထိ အရြယ္အစား အထိ ႀကီးလာေသာေၾကာင့္ Radio Frequency Ablation (RFA) နည္းစနစ္ျဖင့္ ကုသမႈ ခံယူ ထားရေၾကာင္း သိရသည္။
အဆိုပါ ကုသမႈ ခံယူထားရာတြင္ Biopsy အေျဖရယူ စစ္ေဆးရာတြင္ ကင္ဆာဆဲလ္လံုး၀ မေတြ႔ရွိရေၾကာင္းႏွင့္ ပံုမွန္စစ္ေဆးမႈအျဖစ္ သီးတင္ပတ္ (၆)ပတ္ျပည့္လွ်င္ စကၤာပူႏိုင္ငံတြင္ စစ္ေဆးမႈမ်ား ထပ္မံ ျပဳလုပ္ရမည္ျဖစ္ေၾကာင္း ႏွင့္ ေဆးကုသမႈခံယူထား၍ အနားယူရန္အတြက္ အခ်ိန္ကာလ (၃)လ အနားယူရမည္ျဖစ္ေၾကာင္း သိရသည္။
ပါေမာကၡခ်ဳပ္ဆရာေတာ္ ေဒါက္တာနႏၵမာလာဘိဝံသသည္ ၂၀၁၉ခုႏွစ္ မတ္လ(၂၂)ရက္ေန႔တြင္ သက္ေတာ္(၇၉)ႏွစ္ ျပည့္ေတာ္မူမည္ျဖစ္သည္။
Tachileik News Agency
~~~~~~~~⊰❂ Unicode Version ❂⊱~~~~~~~~
ဆရာတော် ဒေါက်တာနန္ဒမာလာဘိဝံသ စင်္ကာပူနိုင်ငံတွင် ကျန်းမာရေး ဆေးစစ်မှုပြုလုပ်ရာ၌ အသည်းရှိ အကျိတ်မှာ အချိန်ကာလ (၃)လအတွင်း ၁.၄၃ စင်တီမီတာ မှ ၂.၂၁ စင်တီမီတာခန့်အထိ အရွယ်အစား အထိ ကြီးလာသောကြောင့် Radio Frequency Ablation (RFA) နည်းစနစ်ဖြင့် ကုသမှု ခံယူ ထားရကြောင်း သိရသည်။
အဆိုပါ ကုသမှု ခံယူထားရာတွင် Biopsy အဖြေရယူ စစ်ဆေးရာတွင် ကင်ဆာဆဲလ်လုံးဝ မတွေ့ရှိရကြောင်းနှင့် ပုံမှန်စစ်ဆေးမှုအဖြစ် သီးတင်ပတ် (၆)ပတ်ပြည့်လျှင် စင်္ကာပူနိုင်ငံတွင် စစ်ဆေးမှုများ ထပ်မံ ပြုလုပ်ရမည်ဖြစ်ကြောင်း နှင့် ဆေးကုသမှုခံယူထား၍ အနားယူရန်အတွက် အချိန်ကာလ (၃)လ အနားယူရမည်ဖြစ်ကြောင်း သိရသည်။
ပါမောက္ခချုပ်ဆရာတော် ဒေါက်တာနန္ဒမာလာဘိဝံသသည် ၂၀၁၉ခုနှစ် မတ်လ(၂၂)ရက်နေ့တွင် သက်တော်(၇၉)နှစ် ပြည့်တော်မူမည်ဖြစ်သည်။
Tachileik News Agency
