~~~~~~~~⊰❂ Unicode Version ❂⊱~~~~~~~~

မူးယစ်မှောင်ခိုမှု၊ ငွေကြေးခဝါချမှုများဖြင့် ထိုင်းလူငယ်တစ်ဦးကို ဘန်ကောက်တွင်ဖမ်းဆီးပြီး ဘတ်သန်း (၂၀)တန်ဖိုးရှိ ပိုင်ဆိုင်မှုများ သိမ်းဆည်း
*********
မူးယစ်မှောင်ခိုမှု၊ မူးယစ်ဆေးဝါးရောင်းချရငွေများကို ခဝါချပေးမှုဖြင့် အသက် (၂၆)နှစ်အရွယ် ထိုင်းလူငယ်တစ်ဦးကို ဘန်ကောက်တွင် ဖမ်းဆီးလိုက်ပြီး ဘတ်သန်း (၂၀)တန်ဖိုးရှိ ပိုင်ဆိုင်မှုများကို ထိန်းသိမ်းလိုက်ကြောင်း ၂၀၁၉ ခုနှစ်၊ မေလ (၁၃)ရက်နေ့တွင် မူးယစ်ဗဟိုမှရဲချုပ်၏ သတင်းစာရှင်းလင်းပွဲတွင် ထုတ်ဖေါ်ပြောကြားလိုက်ကြောင်း The Nation သတင်းတွင် ဖေါ်ပြထားသည်။

ယခုထိန်းသိမ်းလိုက်သည့် ချတူရွန်ဆိုသည့်လူငယ်ကို ၂၀၁၈ ခုနှစ်၊ အောက်တိုဘာလ (၃)ရက်နေ့ကတည်းက ရာဇဝတ်တရားရုံးက မူးယစ်ဆေးရောင်းဝယ်မှုများနှင့်ဆက်စပ်ပြီး ဝရမ်းထုတ်ထားခြင်းဖြစ်ကြောင်း သိရသည်။

ချတူရွန်၏ အိမ်(၂)လုံး၊ ကား (၃)စီး၊ ဆိုင်ကယ်တစ်စီးနှင့် စိန်ရွှေလက်ဝတ်ရတနာများကိုပါ ထိန်းသိမ်းလိုက်ခြင်းဖြစ်ကြောင်း သိရသည်။

အဆိုပါလူငယ်မှာ မူးယစ်ဆေးထုတ်လုပ်သည့်နေရာများမှနေ၍ နိုင်ငံတွင်းသို့ မူးယစ်မှောင်ခိုတင်သွင်းမှုများတွင် ပါဝင်ပတ်သက်နေသည့်အပြင် မူးယစ်ဆေးရောင်းဝယ်မှုများမှ ငွေကြေးများဖြင့် အိမ်ခြံမြေများ၊ အိမ်များ၊ မော်တော်ယာဉ်များနှင့် အခြားတန်ဖိုးရှိပစ္စည်းများ ဝယ်ယပေးနေသူဖြစ်သည်ဟု သံသယရှိခံနေရခြင်းဖြစ်ကြောင်း သိရသည်။

Tachileik News Agency
Ref: The Nation