~~~~~~~~⊰❂ Unicode Version ❂⊱~~~~~~~~

ရှမ်းပြည်နယ်အရှေ့ပိုင်း၊ ကျိုင်းတုံခရိုင်၊ တုံတာမြို့၊ ရပ်ကွက်(၁)၊ မိုင်းကာကျေးရွာတွင် ငမြှောင်တောင်ပိုး (FAW)ကျရောက်မှု ကြိုတင်ကာကွယ်ရေး နှင့်အတူ သဘာဝဘေးအန္တရာယ်ကြိုတင်ကာကွယ်ရေး အသိပညာပေးဟောပြောပွဲအတွင် ၂၀၁၉ခုနှစ် မေလ(၁၇)ရက်နေ့ နံနက်က ပြုလုပ်ခဲ့ကြောင်း သိရသည်။

ဟောပြောပွဲတွင် တုံတာမြို့အုပ်​ချုပ်​​ရေးမှူး ဦးဆလိုင်​းတင်​့နိုင်​ဝင်​းက ဟောပြောပွဲသို့ တက်ရောက်လာသူများအား ယခုလို ဟောပြောပွဲ ကျင်းပပြုလုပ်ရခြင်းနှင့် ပတ်သက်၍ ရှင်းလင်းပြောကြားပြီး ငမြှောင်တောင်ပိုး ငမြှောင်တောင်ပိုး (Fall Army Worm -FAW)ကျရောက်မှု ကြိုတင်ကာကွယ်ရေး အသိပညာပေးဆိုင်ရာအကြောင်းအရာများကို စိုက်ပျိုးရေးဦးစီးဌာန၏ တာတုံမြို့ဦးစီးမှူး ဦးဇော်ဝင်းမြင့်သန်းက ရှင်းလင်းပြောကြားကာ လက်ကမ်းစာစောင်များ ဖြနေ့်ဝခဲ့ကြောင်း သိရသည်။

ဆက်လက်၍ သဘာဝဘေးအန္တရာယ်ကျရောက်သည့်အခါ ဆောင်ရန်၊ ရှောင်ရန် နှင့် သတိပြုရန်အကြောင်းအရာများ အပြင် လတ်တလော ဖြစ်ပေါ်နေသည့် အပူဒဏ်နှင့် ပတ်သက်၍လည်း ကာကွယ်ရေးအကြောင်းအရာများကို ပြန်ကြားရေးနှင့်ပြည်သူ့ဆက်ဆံရေးဦးစီးဌာန၏ တုံတာမြို့ဦးစီးမှူး ဒေါ်သီတာကျော်ဝင်းက အသိပညာပေးပြောကြားသည်။

ငမြှောင်တောင်ပိုးနှင့် ပတ်သက်၍ ငမြှောင်တောင်ပိုးသည် စိုက်ခင်းများကို ဖျက်ဆီးနိုင်စွမ်း အမြင့်ဆုံးဖျက်ပိုးများဖြစ်ပြီး ငမြှောင်တောင်ဖလံများသည် တစ်ညလျှင် မိုင်(၆၀)ကျော်အထိ ပျံသန်းနိုင်ပြီး ဖလံအမတစ်ကောင်လျှင် ဥပေါင်း (၁၀၀)မှ (၁၅၀)ကျော်အထိ ဥချနိုင်ကြောင်း နှင့် ဖလံပိုးဥများသည် နှစ်ရက်မှ သုံးရက်အတွင်း လောက်ကောင်များအဖြစ် ပေါက်ပွားကာ အရွက်မျက်နှာပြင်အောက်ဘက်ကို ခြစ်၍ စားသောက်ကြခြင်းဖြစ်ကာ ကိုက်ဖြတ်စားသည့် အကောင်အရွယ်ရောက်လာပါက နှိမ်နှင်းရခက်ခဲလေ့ရှိကြောင်း သိရသည်။

Tachileik News Agency
သတင်း/ဓာတ်ပုံ - မမသမီး(တုံတာ)