ထိုင်းနှင့် မလေးရှားနယ်စပ်ဂိတ်မှ ကုန်စည်များ၊ကွန်တိန်နာသယ်သည့်ယာဉ်များဖြတ်သန်းသွားလာခြင်းကို ၂၀၁၉ ခုနှစ်၊ ဇွန်လ (၁၈)ရက်နေ့ နံနက်မှစ၍ (၂၄)နာရီခွင့်ပြုလိုက်ပြီဖြစ်ကြောင်း သိရသည်။

ကုန်တင်ယာဉ်များ (၂၄)နာရီဖြတ်သန်းသွားလာခြင်းကို (၃)လတာ စမ်းသပ်ကာလအဖြစ်ဆောင်ရွက်နေခြင်းဖြစ်ပြီး ကုန်တင်ယာဉ်ကြီးများကိုသာ ဖြတ်သန်းသွားလာခွင့်ပြုခြင်းဖြစ်ကြောင်း သိရသည်။

ထိုင်းနိုင်ငံ ဆုန်ခလ ဆဒွိုင်ခရိုင်နှင့် မလေးရှား ဘူကစ်ကရူဟိတန်ကို ဆက်သွယ်ထားသည့် နယ်စပ်ဂိတ် (၂၄)နာရီဖွင့်လှစ်ခြင်းကို နှစ်နိုင်ငံ နိုင်ငံခြားရေးဝန်ကြီးဌာန တာဝန်ရှိသူများက ဖွင့်လှစ်ပေးခြင်းဖြစ်ပြီး ထိုင်းနှင့် မလေးရှားနှစ်နို်ငငံကြား ရင်းနှီးမြုပ်နှံမှုနှင့် ကုန်သွယ်မှုတိုးမြှင့်ရေးအတွက် ခြေလှမ်းတစ်ရပ်ထပ်တိုးလိုက်ခြင်းဖြစ်သည်ဟု ထုတ်ပြန်ချက်တွင် ဖေါ်ပြထားသည်။

ထိုင်းနိုင်ငံက မြန်မာနိုင်ငံနှင့် နယ်စပ်ဂိတ်မှ ကုန်တင်ယာဉ်များ ဖြတ်သန်းသွားလာခွင့်ပြုရေးဆောင်ရွက်နေပြီး ထိုင်းပို့ဆောင်ရေးဝန်ကြီးဌာနက ကုန်စည်ပို့ဆောင်ရေးအပြင် ခရီးသည်တင်ယာဉ်များကိုလည်း အိမ်နီးချင်းနိုင်ငံများဖြစ်သည့် မြန်မာ၊ ကမ္ဘောဒီးယား၊ လာအိုနှင့် ဗီယက်နမ်နိုင်ငံများသို့ နယ်စပ်ဖြတ်ကျော်ခရီးစဉ်များ ဖေါ်ဆောင်နိုင်ရေး တိုက်တွန်းထားကြောင်း သိရသည်။

Tachileik News Agency
Ref: The Nation, Bangkok Post