~~~~~~~~⊰❂ Unicode Version ❂⊱~~~~~~~~

ထိုင်းနိုင်ငံတွင် မိသားစုရှိနေသည့်နေအိမ်၌ ဆေးလိပ်သောက်ခွင့်တားမြစ်သည့်ဥပဒေ သြဂုတ်လတွင် စတင်သက်ဝင်မည်
*********
ထိုင်းနိုင်ငံတွင် တစ်ဆင့်ခံ ဆေးလိပ်ငွေ့ကြောင့် ကျန်းမာရေးထိခိုက်မှုအား ကာကွယ်ရန် မိသားစုရှိသည့်နေအိမ်တွင် ဆေးလိပ်သောက်ခြင်းအား တားမြစ်လိုက်သည့်ဥပဒေမှာ ၂၀၁၉ ခုနှစ်၊ သြဂုတ်လ (၂၀)ရက်နေ့တွင် စတင်သက်ဝင်တော့မည်ဖြစ်သည်။

မိသားစုရှိသည့်နေအိမ်တွင် ဆေးလိပ်သောက်သုံးခြင်းသည် အခြားမိသားစုဝင်များအပေါ် အနှောင့်အယှက်ဖြစ်စေပြီး တစ်ဆင့်ခံ ဆေးလိပ်ငွေ့ကြောင့် ကျန်းမာရေးထိခိုက်စေသဖြင့် တားမြစ်လိုက်ခြင်းဖြစ်ကြောင်း သိရသည်။

ထိုင်းနိုင်ငံတွင်  အိမ်ထောင်စု (၅)သန်းခန့်တွင် ဆေးလိပ်သောက်သူရှိနေကြောင်း စစ်တမ်းအရတွေ့ရှိထားပြီး လူဦးရေ (၁၀)သန်းကျော်မှာ တစ်ဆင့်ခံဆေးလိပ်ငွေ့ဒဏ်ခံစားနေရသူများဖြစ်ကြောင်း သိရသည်။

တစ်ဆင့်ခံဆေးလိပ်ငွေ့ကြောင့် မွေးစကလေးသေဆုံးမှုအပါအဝင် ကလေးငယ်များ၏ အသက်ရှုလမ်းကြောင်းဆိုင်ရာရောဂါများ လျော့ကျလာစေရေးအပါအဝင် တစ်ဆင့်ခံဆေးလိပ်ငွေ့ကြောင့် ဖြစ်ပွားသည့်ရောဂါများကို အဆိုပါဥပဒေကြောင့် လျှော့ချလာနိုင်ရန် ရည်ရွယ်ကြောင်း သိရသည်။

အဆိုပါဥပဒေ သက်ဝင်သည်နှင့်  နေအိမ်တွင် ဆေးလိပ်သောက်ခြင်းမှာ အိမ်တွင်းအကြမ်းဖက်မှုအဖြစ် သတ်မှတ်မည်ဖြစ်ပြီး တစ်ဆင့်ခံ ဆေးလိပ်ငွေ့ဒဏ် ခံစားနေရပါက တာဝန်ရှိသူများထံ သတင်းပေးပို့နိုင်မည်ဖြစ်ကြောင်းသိရသည်။

ထိုင်းနိုင်ငံက ၂၀၂၅ ခုနှစ်တွင် ဆေးလိပ်၊ဆေးရွက်ကြီးသုံးစွဲမှုကို (၃၀)ရာခိုင်နှုန်းအထိ လျှော့ချရန်ဆောင်ရွက်နေကြောင်း သိရသည်။

Tachileik News Agency
Ref: The Nation