~~~~~~~~⊰❂ Unicode Version ❂⊱~~~~~~~~

ထိုင်းနိုင်ငံတွင် HIV ကူးစက်ခံထားရသည်ကို မသိဘဲနေထိုင်သူ (၂၈၀၀၀)ကို စစ်ဆေးတွေ့ရှိထားသဖြင့် အစိုးရဆေးရုံများတွင် အခမဲ့လာရောက်ဆေးစစ်ကြရန် တိုက်တွန်းထား
*************
ထိုင်းနိုင်ငံတွင် HIV /AIDS ဖြစ်ပွားနေသည်ကိုမသိဘဲနေထိုင်နေကြသူ (၂၈၀၀၀)ကို စစ်ဆေးတွေ့ရှိရပြီးနောက် HIV/AIDS စစ်ဆေးမှုကို အစိုးရဆေးရုံများတွင် အခမဲ့လာရောက်စစ်ဆေးကြရန် ကူးစက်ရောဂါထိန်းချုပ်ရေးဌာနက တိုက်တွန်းလိုက်သည်။

နှစ်စဉ် ဇူလိုင်(၁)ရက်နေ့တွင် လုပ်ဆောင်နေသည့် အစိုးရဆေးရုံများ၌ HIV/AIDS  အခမဲ့ဆွေးနွေးစစ်ဆေးရေးလုပ်ဆောင်ပေးနေရာ ၂၀၁၉ ခုနှစ်တွင် အစိုးရဆေးရုံများ၌ HIV/AIDS အခမဲ့စစ်ဆေးမှုကို မြန်မြန်ဆန်ဆန်ရရှိရန်အပြင် ထိရောက်သည့် ကုသမှုများ လုပ်ဆောင်ပေးနိုင်ရန်ရည်ရွယ်ကြောင်း သိရသည်။

လက်ရှိအခြေအနေတွင် HIV/AIDS တွေ့ရှိမှုမှာ ပျမ်းမျှအားဖြင့် နေ့စဉ် အသစ်တွေ့ရှိမှု (၁၇)ခုရှိနေဆဲဖြစ်ပြီး ၂၀၁၈ ခုနှစ်က ပျမ်းမျှအားဖြင့် နေ့စဉ် အေ့စ်ရောဂါဖြင့် သေဆုံးသူ (၄၉)ဦးအထိရှိကြောင်း သိရသည်။

အမျိုးသားကျန်းမာရေးဌာနက ရရှိထားသည့် စာရင်းများအရ HIV ပိုးကူးစက်ခံထားရသူပေါင်း (၄၅၁၃၈၄)ဦးရှိနေကြောင်း သိရသည်။

ထိုင်းနိုင်ငံသားကဒ်ကိုင်ဆောင်ထားသူမည်သူမဆို အစိုးရဆေးရုံများတွင် အစိုးရဆေးရုံများတွင် အခမဲ့စစ်ဆေးမှုကို တစ်နှစ်လျှင် နှစ်ကြိမ်ရရှိနိုင်မည်ဖြစ်ကြောင်း သိရသည်။

Tachileik News Agency
Ref: Bangkok Post