Ref: The Nation

~~~~~~~~⊰❂ Unicode Version ❂⊱~~~~~~~~

ထိုင်းနိုုင်ငံတွင် မြစ်အတွင်းရေဆိုးစွန့်ထုတ်သည့် အီသနောစက်ရုံကို သဘာဝပတ်ဝန်းကျင် ပြန်လည်ထိန်းသိမ်းရေးအတွက် လျော်ကြေးငွေ ဘတ် (၅.၇၈)သန်း တောင်းခံထား
***************
ထိုင်းနိုင်ငံတွင် ရတ်ချဘူရီအီသနောကုမ္ပဏီစက်ရုံက မယ့်ခလောင်းမြစ်အတွင်း တရားမဝင် ရေဆိုးစွန့်ထုတ်မှုကြောင့် မြစ်အတွင်း ရေသတ္တဝါများသေဆုံးခဲ့ရသဖြင့် လျော်ကြေးငွေဘတ် (၅.၇၈)သန်းပေးဆောင်ရန် ငါးလုပ်ငန်းနှင့် ရေထုညစ်ညမ်းမှုထိန်းချုပ်ရေးဌာနက တောင်းဆိုလိုက်သည်။

ဘူရီဒေသနှင့် စမွတ်စခွန်ဒေသများရှိ မယ့်ခလောင်းမြစ်အတွင်း ရေသတ္တဝါများသေဆုံးမှု ၂၀၁၆ ခုနှစ် အောက်တိုဘာလ (၁)ရက်နေ့မှ (၇)ရက်နေ့အထိ ဖြစ်ပွားခဲ့ပြီးောနက် စစ်ဆေးမှုများလုပ်ဆောင်ရာ အီသနောစက်ရုံမှ ရေဆိုးစွန့်ထုတ်မှုများကြောင့်ဖြစ်သည်ကို စစ်ဆေးတွေ့ရှိခဲ့ရခြင်းဖြစ်ကြောင်း သိရသည်။

စက်ရုံအနေဖြင့် ပတ်ဝန်းကျင်ထိခိုက်စေမှုကို လျော်ကြေးပေးရန် ၂၀၁၉ ခုနှစ်၊ သြဂုတ်လ (၂၆)ရက်နေ့က တွေ့ဆုံကြမည်ဖြစ်ပြီး ညှိနှိုင်းပြေလည်ခြင်းမရှိပါက တရားရုံးသို့ ဆက်လက်တင်ပြမည်ဖြစ်ကြောင်း သိရသည်။

ဌာနအနေဖြင့် တောင်းဆိုထားသည့် လျော်ကြေးမှာ စုံစမ်းစစ်ဆေးမှုအတွက် သုံးစွဲထားရသည့် ကုန်ကျငွေနှင့် စက်ရုံကြောင့် ပျက်စီးသွားရသည့် သဘာဝပတ်ဝန်းကျင်ကို မူလအခြေအနေရောက်စေရန် ပြန်လည်ပြုပြင်ရမည့်စရိတ်များဖြစ်သည်ဟု ဆိုထားသည်။

Tachileik News Agency
Ref: The Nation