~~~~~~~~⊰❂ Unicode Version ❂⊱~~~~~~~~

ချင်းမိုင်တွင် လားဟူအမျိုးသားတစ်ဦးသေဆုံးရသည့် ပစ်ခတ်မှုမှ ရဲတပ်ဖွဲ့ဝင် (၆)ဦးအား အရေးယူပေးရန် ဒေသခံများတောင်းဆို
************
ထိုင်းနိုင်ငံ၊ ချင်းမိုင်ခရိုင်အတွင်း လားဟူလူမျိုးစုများနေထိုင်ရာရွာတွင် လားဟူအမျိုးသားတစ်ဦးအား ထိုင်းရဲတပ်ဖွဲ့က ပစ်သတ်သည်ဟုဆိုကာ သေဆုံးသွားသူ၏ဇနီးအပါအဝင် လားဟူတိုင်းရင်းသား (၅၀)ဝန်းကျင်က တရားမျှတရေးအတွက် ဆန္ဒထုတ်ဖေါ်ခဲ့ကြသည်။

ဇူလိုင်လ (၂၃)ရက်နေ့က လားဟူအမျိုးသားတစ်ဦးသေဆုံးခဲ့ရသည့့် ပစ်ခတ်မှုကျူးလွန်သည့် ရဲတပ်ဖွဲ့ဝင် (၆)ဦးအား (၂၄)နာရီအတွင်းလွှဲပြောင်း အရေးယူပေးရန် ဇူလိုင်လ (၃၀)ရက်နေ့က ဆန္ဒထုတ်ဖေါ် တောင်းဆိုခဲ့ကြခြင်းဖြစ်ပြီး ရဲတပ်ဖွဲ့ဘက်ကမူ အဆိုပါ ပစ်ခတ်မှုမှာ လားဟူအမျိုးသားက ရဲတပ်ဖွဲ့အား စတင်ပစ်ခတ်မှုမှ စတင်ခြင်းဖြစ်ပြီး ရဲတပ်ဖွဲ့ဝင်များ အမှားလုပ်ထားခြင်းမရှိဟု ငြင်းဆိုထားသည်။

သေဆုံးသွားသည့် အမျိုးသားမှာ ရဲတပ်ဖွဲ့ စွပ်စွဲသကဲ့သို့ လက်နက်မရှိကြောင်းနှင့် ပြစ်မှုကျူးလွန်ခြင်းမရှိကြောင်း ဒေသခံများက သတင်းထုတ်ပြန်ချက်တွင် ဖေါ်ပြထားသည်။
သေဆုံးသွားသူ၏ဇနီးမှာ ကလေး (၆)ဦးနှင့်အတူ ကျန်ခဲ့ပြီး လက်ရှိတွင် ကျေးရွာဒေသခံများမှာလည်း အလားတူဖြစ်ရပ်များ ထပ်မံဖြစ်ပွားမည်ကို စိုးရိမ်စိတ်ဖြင့် နေထိုင်နေရကြောင်း ကျေးရွာအုပ်ချုပ်ရေးမှူးက ဆိုသည်။

ကျေးရွာဒေသခံများက စွပ်စွဲထားသည့် ထိုင်းရဲတပ်ဖွဲ့ဝင် (၆)ဦးမှာ အားလပ်ရက်ခွင့်ယူထားကြောင်း သိရသည်။

Tachileik News Agency
Ref: The Nation