ရှမ်းပြည်နယ်(တောင်ပိုင်း) ညောင်ရွှေမြို့နယ် အင်းလေးဒေသရှိ Inle Princess Resort ဟိုတယ် ယနေ့ည ၂၀၂၄ ခုနှစ် နိုဝင်ဘာလ (၁၅)ရက်နေ့ ည(၇)နာရီဝန်းကျင်က မီးလောင်မှုဖြစ်ပွားကြောင်း ဒေသခံများထံမှ သိရသည်။ 

ညောင်ရွှေမြို့နယ် မန်ကျီးစင်ရွာရှိ အဆိုပါဟိုတယ် မီးလောင်မှုဖြစ်ပွားသဖြင့် ညောင်ရွှေမြို့နယ်မီးသတ်စခန်းမှ မီးငြိမ်းသတ်ခဲ့ရသည်ဟု ဆိုသည်။

ဒေသခံတချို့ကမူ မီးပုံးပျံပျက်ကျကာ မီးလောင်မှု ဖြစ်သည်ဟုပြောဆိုသော်လည်း Tachileik News Agency အနေဖြင့် သီးခြားအတည်မပြုနိုင်သေးပါ။ 

မီးလောင်မှုကြောင့် ဟိုတယ်ပင်မအဆောင် ပျက်စီးသွားသည်ဟုဆိုပြီး Inle Princess Resort ဟိုတယ်သည် အင်းလေးကန်၏ အရှေ့ဖက်ကမ်းပေါ်၌ရှိကာ သစ်သားကို အဓိကအသုံးပြုတည်ဆောက်ထားသည့် ဟိုတယ်လည်းဖြစ်သည်။

#TachileikNewsAgency

Photo: CJ