စစ်ကိုင်းတိုင်း မုံရွာခရိုင် အရာတော်မြို့နယ် တောင်ခြမ်း သလဲဘာပျူရွာအား တော်လှန်ရေးတပ်ပေါင်းစုမှ ဝင်ရောက်စီးနင်းတိုက်ခိုက်ကြောင်း Shwebo Crocodile (ဗိုလ်မိကျောင်း) အဖွဲ့ထံမှ သိရသည်။

အရာတော်မြို့နယ် တောင်ခြမ်း သလဲဘာပျူရွာ အထိုင်စခန်းအား ၂၀၂၄ခုနှစ် သြဂုတ်လ (၁၄)ရက်နေ့ နံနက် (၆)နာရီခန့်တွင် တော်လှန်ရေးတပ်ပေါင်းစုမှ ဝင်ရောက်စီးနင်းတိုက်ခိုက်ခဲ့ခြင်းဖြစ်ပြီး တိုက်ပွဲကြာချိန် (၅)နာရီကျော်ကြာ ဖြစ်ပွားခဲ့ကြောင်း သိရသည်။

တိုက်ပွဲအတွင်း စစ်ကောင်စီတပ်သား (၃)ဦး ၊ ငွေတွင်းပျူရွာမှ ပြည်သူ့စစ် (၁)ဦး ၊ သလဲဘာပျူရွာမှ ပြည်သူ့စစ် (၃)ဦး သေဆုံးခဲ့ပြီး ၊ တော်လှန်ရေးတပ်ပေါင်းစုမှ တပ်ရင်း (၁၉)မှ တပ်ဖွဲ့ဝင် (၁)ဦးနှင့် Zero အဖွဲ့မှ တပ်ဖွဲ့ဝင် (၁)ဦး ထိခိုက် ဒဏ်ရာရရှိခဲ့ကြောင်း သိရသည်။

သလဲဘာပျူရွာ အထိုင်စခန်း ပတ်လည်တွင် နင်းမိုင်းများချထားသဖြင့် ခက်ခဲစွာ တိုက်ခိုက်ခဲ့ရခြင်းဖြစ်ပြီး ၊ စခန်းသိမ်းပိုက်နိုင်ရန် နီးစပ်ခဲ့သော်လည်း အရာတော်လေ့ကျင့်ရေး (၁၀)အထိုင်တပ်နှင့် ငွေတွင်းပျူရွာမှ လက်နက်ကြီးပစ်ကူ ဆက်တိုက်ပေးခြင်းနှင့် မြေပြင်စစ်ကူများရောက်ရှိလာသည့်အတွက် ပြန်လည်ဆုတ်ခွာခဲ့ရကြောင်း Shwebo Crocodile အဖွဲ့က ဆိုသည်။

အဆိုပါတိုက်ခိုက်မှုအား တပ်ရင်း (၂၁/၁၉/၂၆/၂၂ ) Zero ဦးဆောင်ပြီး ၊ ရွှေဘိုမြို့နယ် ပြည်သူ့လုံခြုံရေးတပ်ဖွဲ့ ၊ Shwebo Crocodile  ၊ ဗိုလ်ကျားရိုင်း-ရွှေဘို ပြည်သူ့ကာကွယ်ရေးအဖွဲ့ ၊ ဗိုလ်ဂျပန်ကြီ TTT အဖွဲ့ ၊ စွန်ရဲရွှေဘို ဒေသခံပြည်သူ့ကာကွယ်ရေးအဖွဲ့ ၊ ဒေါင်းစစ်သည်အဖွဲ့ ၊ ရွှေဘိုအားမာန်အဖွဲ့ ၊ HG FIGHTER ၊ EYE FOR EYE ပြည်သူ့ကာကွယ်ရေးအဖွဲ့ ၊ ရှင်းရှင်း ပြည်သူ့ကာကွယ်ရေးတပ်ဖွဲ့ ၊ Hero Brother ၊ ဖျံ ပြည်သူ့ကာကွယ်ရေးအဖွဲ့ ၊ Zay Yar Thawed ၊ YAUNG NI ၊ ရွှေဘိုသားပြည်သူ့ကာကွယ်ရေးအဖွဲ့ ၊ ဗိုလ်လင်းရောင်ပြည်သူ့ကာကွယ်ရေးအဖွဲ့ ၊ဇာမဏီဒေါင်းပြည်သူ့ကာကွယ်ရေးအဖွဲ့ ၊ BO BA Taw (LDF) နှင့် ရွှေဘိုမြို့နယ် တလရ တပ်ပေါင်းစုတို့ ပူးပေါင်းဆောင်ရွက်ခဲ့ခြင်းဖြစ်ကြောင်း သိရသည်။

#TachileikNewsAgency