ထိုင်းနိုင်ငံ၏ ပြည်နယ် (၄၃) ခုတွင် ၂၀၂၄ ခုနှစ် ဇွန်လ (၂၃) ရက်နေ့မှစ၍ (၃) ရက်အတွင်း ရုတ်တရက် ရေကြီးမှုနှင့် လေပြင်းတိုက်ခတ်မှုများ ဖြစ်ပေါ်နိုင်ကြောင်း ဘေးအန္တရာယ် ကာကွယ်ရေးနှင့် လျော့ပါးရေး ဌာနက Disaster Prevention and Mitigation Department (DPMD) က သတိပေးချက် ထုတ်ပြန်ထားကြောင်း သိရသည်။

ထိုင်းမိုးလေဝသဌာန Meteorological of Thailand (TMD)၏ ထုတ်ပြန်ချက်အရ နိုင်ငံတဝန်း မိုးရွာသွန်းမှု များလာပြီး အချို့ နေရာဒေသများတွင် မိုးသည်းထန်ခြင်းမှ အလွန်မိုးသည်းထန်ခြင်း အခြေအနေ ကြုံတွေ့နိုင်ကြောင်း ခန့်မှန်းထားသည်။ 

ထိုအခြေအနေကြောင့် ရုတ်တရက် ရေကြီးမှုများ ဖြစ်ပေါ်နိုင်ကြောင်း သိရသည်။

အက်ဒမန်ပင်လယ်ပြင်တွင်လည်း လေပြင်းများ တိုက်ခတ်နိုင်ပြီး ပင်လယ်ရေလှိုင်း အမြင့် (၂) မီတာမှ (၃) မီတာအထိ ရောက်ရှိနိုင်ကြောင်းနှင့် ပိုမိုပြင်းထန်သော လေပြင်းတိုက်ခတ်သည့် နေရာများတွင် လှိုင်းအမြင့်မှာ (၃) မီတာကျော်အထိ ရောက်ရှိနိုင်ကြောင်း ခန့်မှန်းထားသည်။ 

ရုတ်တရက် ရေကြီးမှုနှင့် လေပြင်းတိုက်ခတ်မှု ဖြစ်ပေါ်နိုင်ကြောင်း သတိပေးထားသည့် ပြည်နယ်များအနက် မယ်ဟောင်ဆောင်၊ ချင်းမိုင်၊ ချင်းရိုင် အပါအဝင် မြောက်ပိုင်းရှိ ပြည်နယ် (၁၁) ခု ပါဝင်သည်။

ထိုင်းအရှေ့မြောက်ပိုင်းရှိ ပြည်နယ် (၁၄) ခု၊ အလယ်ပိုင်းရှိ ပြည်နယ် (၉) ခုတို့တွင်လည်း ရေကြီးမှုနှင့် လေပြင်းတိုက်ခတ်မှု သတိပေးချက် ထုတ်ပြန်ထားသည်။ 

ထို့အပြင် ထိုင်းတောင်ပိုင်းရှိ ရနောင်း၊ ဖူးခက် အပါအဝင် ပြည်နယ် (၅) ခုတွင်လည်း သတိပေးချက် ထုတ်ပြန်ထားကြောင်း သိရသည်။ 

ရနောင်း၊ ဖူးခက်၊ ဖန်င၊ ခရာဘီ၊ ထရန်နှင့် ဆာတွန် ပြည်နယ်များတွင် လေပြင်းတိုက်ခတ်နိုင်ကြောင်း ထိုင်းမိုးလေဝသဌာနက သတိပေးထားသည်။

 

Source: The Thaiger