Photo: PNLA News & Information Department
ဟိုပုံးမြို့နယ်အတွင်း မဲနယ်တောင်ရှိ အများပြည်သူပိုင်လမ်းများပေါ် ကားနှင့်ဆိုင်ကယ်များ သွားလာ၍ မရစေရန် စစ်ကောင်စီတပ်နှင့် PNO ပြည်သူ့စစ်အဖွဲ့တို့က ဘူဒိုဇာဖြင့် လမ်းကို ဖျက်ဆီးသွား
ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသအတွင်း ဟိုပုံးမြို့နယ် မဲနယ်တောင်ရှိ အများပြည်သူပိုင် လမ်းကို စစ်ကောင်စီတပ်နှင့် PNO ပအိုဝ်းပြည်သူ့စစ်အဖွဲ့တို့က စက်ယန္တရားဖြင့် ဖျက်ဆီးခဲ့ကြောင်း သိရသည်။
စစ်ကောင်စီတပ်နှင့် လက်အောက်ခံ PNO ပအိုဝ်းပြည်သူ့စစ်တို့က ကား/ဆိုင်ကယ်များ သွားလာခြင်း မပြုလုပ်နိုင်ရန် ၂၀၂၄ခုနှစ် ဖေဖော်ဝါရီလ(၁၆)ရက်နေ့တွင် ဘူဒိုဇာဖြင့် ဖျက်ဆီးလိုက်ခြင်းကြောင့် ခရီးသွားပြည်သူများအတွက် အခက်အခဲ ဖြစ်ပေါ်ခဲ့ကြောင်း သိရသည်။
စစ်ကောင်စီနှင့် လက်အောက်ခံ PNO ပြည်သူ့စစ်များ ဖျက်ဆီးခဲ့သည့် လမ်းကို ဒေသခံနှင့်ခရီးသွားပြည်သူများ ယာယီသွားလာနိုင်ရန် ပအိုဝ်းအမျိုးသားလွတ်မြောက်ရေးတပ်မတော်(PNLA) က ပြင်ဆင်ပေးခဲ့သည်ဟုလည်း သိရသည်။
