ရန်ကုန်တိုင်း လှိုင်သာယာမြို့နယ် (၈၆)ဂိတ်ဟောင်းမှတ်တိုင်အနီးတွင် ယနေ့ ၂၀၂၃ခုနှစ် စက်တင်ဘာလ (၁၈)ရက်နေ့ ညနေပိုင်းက ခရီးသည်တင်ယာဉ်တစ်စီး ယာဉ်မတော်တဆဖြစ်ကာ လူ(၄)ဦး သေဆုံးပြီး (၅)ဦး ဒဏ်ရာရရှိခဲ့ကြောင်း သိရသည်။
လှိုင်သာယာမြို့နယ်၊ (၂၀)ရပ်ကွက်၊ အနော်ရထာလမ်း၊ (၈၆)ဂိတ်ဟောင်း မှတ်တိုင်အနီးတွင် ရန်ကုန်-ဖျာပုံပြေးဆွဲနေသည့် သမာဓိခရီးသည်တင်ယာဉ်သည် ဂတ်(စ်)ဖြည့်ပြီး ပြန်အထွက်တွင် ဂတ်(စ်)ဆိုင်ရှေ့ရှိ ၀က်သားတုတ်ထိုးစားနေသူများနှင့် အလုပ်သမား ကြိုပို့ကားပေါ်မှ ဆင်းလာသော အမျိုးသမီးများအား ဝင်တိုက်မိကာ ယာဉ်တိမ်းမှောက်ခဲ့ခြင်းဖြစ်သည်ဟု ဒေသခံများက Tachileik News Agency ကိုပြောသည်။
အဆိုပါ ယာဥ်တိုက်မှုကြောင့် အမျိုးသမီး(၂)ဦးနှင့် အမျိုးသားတစ်ဦး ပွဲချင်းပြီး သေဆုံးခဲ့ရကာ တစ်ဦးကို အရေးပေါ်ပို့ဆောင်စဉ် သေဆုံးခဲ့ကြောင်း သိရသည်။
(စိတ်မချမ်းမြေ့ဖွယ်ပုံရိပ်များ ပါဝင်သဖြင့် အခြားသတင်းဓာတ်ပုံများကို Telegram Channel https://t.me/TachileikNewsAgency/42973 တွင် ကြည့်ရှုနိုင်ပါသည်)
#TachileikNewsAgency
Photo : အမှတ်၄ရပ်ကွက် ရွှေပြည်သာအရန်မီးသတ်စခန်း
