စစ်ကိုင်းတိုင်းဒေသကြီး၊ မုံရွာမြို့နယ် သက္ကယ်ကျင်းကျေးရွာ၊ ကိုင်းတောကျေးရွာ၊ သပြေပင်စုကျေးရွာ၊ ဇီးကျွန်းကျေးရွာနှင့် ပလ္လင် ကျေးရွာများသို့ အာဏာသိမ်းစစ်တပ်က ၂၀၂၁ ခုနှစ် နိုဝင်ဘာလ (၂၃) ရက်နေ့ နံနက် (၅)နာရီဝန်းကျင် ကတည်းက ဝင်ရောက်ရှာဖွေမှုအတွင်း PDF စခန်းနှစ်ခုကို မီးရှို့ခံရသော်လည်း တော်လှန်ရေးတပ်ဖွဲ့ဝင်များ ဖမ်းဆီးခံရခြင်းမရှိကြောင်း သိရသည်။

အာဏာသိမ်းစစ်တပ်က စစ်ကား (၁၂)ဖြင့် ဝင်ရောက်ရှာဖွေပြီး  မုံရွာပြည်သူ့ကာကွယ်ရေးတပ်ဖွဲ့ (MPDF) ​၏ တပ်ခွဲစခန်းနှင့် မဟာမိတ်စခန်းတစ်ခုတို့အား မီးရှို့ဖျက်ဆီးခဲ့သဖြင့် ဆိုင်ကယ် (၄) စီးအပါအဝင် ကာလတန်ဖိုး ကျပ်သိန်း (၇၀) ဖိုးခန့် ပျက်စီးဆုံးရှုံးခဲ့ရသည်ဟု သိရသည်။

ပြည်သူ့တော်လှန်ရေးရဲဘော်များ ဖမ်းဆီးခံရခြင်းမရှိသော်လည်း ကျေးရွာတွင်း ဝင်ရောက်ဖမ်းဆီးမှုများကြောင့် ဒေသခံများ ထွက်ပြေးတိမ်းရှောင်ခဲ့ရသည်ဟု  မုံရွာပြည်သူ့ကာကွယ်ရေးတပ်ဖွဲ့ (MPDF)က သတင်းထုတ်ပြန်သည်။