အာဏာသိမ်းစစ်တပ်၏ လေကြောင်းတိုက်ခိုက်မှုကြောင့် ထိုင်းနယ်စပ်တွင် ခိုလှုံနေသည့် ကရင်ဒုက္ခသည်များကို ထိုင်းတာဝန်ရှိသူများက နေရပ်ပြန်စေသဖြင့် ၂၀၂၁ ခုနှစ်  မေလ (၉) ရက်နေ့တွင် နယ်စပ်သံလွင်မြစ်ကိုဖြတ်၍ စစ်ဘေးရှောင်များ ပြန်လာနေကြသည်။

ကရင်ပြည်နယ်ဘက်တွင် နယ်မြေလုံခြုံရေး စိတ်ချရသည့် အခြေအနေမရောက်သေးသော်လည်း စစ်ဘေးရှောင်များကို နေရပ်ပြန်ရန် ထိုင်းအာဏာပိုင်များက ပြောလာသဖြင့် စစ်ဘေးရှောင်များသည် မြန်မာ - ထိုင်းနယ်စပ် ကရင်ပြည်နယ်ရှိ အီလူးထာစစ်ဘေးရှောင်စခန်းဘက်သို့ ပြန်ဝင်လာနေရကြောင်းသိရသည်။

အာဏာသိမ်းအဖွဲ့၏ စစ်တပ်က မတ်လ ၂၇  ရက်နေ့မှစ၍ KNU နယ်မြေများကို လေကြောင်းမှ တိုက်ခိုက်မှုများ ပြုလုပ်နေ၍ ဒေသခံများ စစ်ဘေးတိမ်းရှောင်နေကြရခြင်းဖြစ်သည်။

#TachileikNewsAgency

Photo: The Reporters