ယနေ့ ဧပြီလ(၈)ရက်နေ့ နံနက်(၅)နာရီဝန်းကျင်အချိန်က ရန်ကုန်မြို့ မြောက်ဒဂုံရှိ မိခင်၏ နေအိမ်တွင် ပိုင်တံခွန်အား အာဏာသိမ်းအကြမ်းဖက်စစ်ကောင်စီ၏ လက်နက်ကိုင်အဖွဲ့က စစ်ကား(၈)စီးဖြင့် လာရောက်ပြီး ဖမ်းဆီးခေါ်ဆောင်သွားကြောင်း သိရသည်။

ဖမ်းဆီးခံရချိန်တွင် ပိုင်တံခွန်သည် ကျန်းမာရေးဆိုးဝါးနေချိန်ဖြစ်နေကြောင်း သိရသည်။

၎င်းအား ဖမ်းဆီးပြီးနောက်တွင် blue mark ရရှိထားသည့် "Paing Takhon" facebook စာမျက်နှာလည်း ပိတ်ခံလိုက်ရသည်ကို တွေ့ရသည်။

မော်ဒယ်လ် သရုပ်ဆောင် ပိုင်တံခွန်သည် စစ်တပ်က နိုင်ငံ့အာဏာကို သိမ်းလိုက်သည့်နေ့က စ၍ နေ့စဉ် လူထုများအကြားသွားလာပြီး တက်ကြွစွာ ဆန္ဒထုတ်ဖော်ခြင်း ၎င်း၏ Facebook စာမျက်နှာတွင် အဆက်မပြတ် ရေးသားဖော်ပြခဲ့သူဖြစ်သည့်အတွက်  ရာဇသတ်ကြီး ပုဒ်မ-၅၀၅(က)ဖြင့် အမှုဖွင့်ခံထားရသူ ဖြစ်သည်။