ရှမ်းပြည်နယ်အရှေ့ပိုင်း ကျိုင်းတုံမြို့ရှိ ကျိုင်းတုံနည်းပညာတက္ကသိုလ်တွင် သတ်မှတ်လူဦးရေပြည့်မီရန် ကန့်သတ်အမှတ် (၃၆၀) မပြည့်သူများကိုပါ လက်ခံနေသည့်စနစ်အား လာမည့်ပညာသင်နှစ်တွင် လုပ်ဆောင်တော့မည် မဟုတ်ကြောင်း သိရသည်။
"ပြီးခဲ့တဲ့နှစ်တုန်းကတော့ သတ်မှတ်ထားတဲ့အမှတ်နဲ့  ၀င်လာတဲ့လူက (၁၆၀) မပြည့်ဘူး။ ဒါကြောင့် ကျွန်တော်တို့အနေနဲ့  သတ်မှတ်လူဦးရေ ပြည့်ဖို့အတွက် (၃၂၂)မှတ်အထိ အမှတ်တွေကိုနှိမ့်ပြီး ခေါ်လိုက်ရတယ်။ "ဟု ကျိုင်းတုံနည်းပညာတက္ကသိုလ်မှ ကျောင်းအုပ်ကြီး ဒေါက်တာကျော်သာထွန်းက ပြောသည်။
ယခုလာမည့် ပညာသင်နှစ်အတွက် ကျောင်းသားသစ် (၁၆၀)အထိသာ လက်ခံရန် လျာထားပြီး ၂၀၁၅- ၂၀၁၆ ပညာသင်နှစ်က ဝင်ခွင့်အမှတ်အနည်းဆုံး(၃၆၀)ဖြင့် ခေါ်ယူခဲ့ရာ သတ်မှတ်ဦးရေ မပြည့်မီသည့်အတွက် (၃၂၂)မှတ်အထိ လျှော့ချခေါ်ယူခဲ့ခြင်းဖြစ်ကြောင်း သိရသည်။
"ကျွန်တော်တို့ တုန်းကတော့ (၃၈၀)ရမှ ၀င်ခွင့်ရတာပါ။ နောက်ပိုင်းနှစ်တွေကျတော့ ၀င်ခွင့်အမှတ်တွေက အတည်တကျမရှိဘဲ အမျိုးမျိုးပြောင်းလဲလာတယ်။ အခုနောက်ဆုံး (၃၆၀)အထိ လျှော့ချလိုက်တယ်။ အဲဒီတော့ (၁၀)တန်းကတည်းက နည်းပညာတက္ကသိ်ုလ်တက်ဖို့  ကြိုးစားခဲတဲ့လူတွေမှာ နစ်နာတယ်လို့ မြင်ပါတယ်။ "ဟု အဆိုပါကျောင်းမှ တတိယနှစ်ကျောင်းသား မောင်အောင်ဖြိုးဝေက ပြောသည်။
လက်ရှိပညာသင်ယူနေသည့် ကျောင်းသား၊ကျောင်းသူ (၃၆၇)ဦးရှိသည့် ကျိုင်းတုံနည်းပညာတက္ကသိုလ်အား ၁၉၉၉ ခုနှစ်တွင် အစိုးရစက်မှုလက်မှုသိပ္ပံကျောင်းအဖြစ် စတင်ဖွင့်လှစ်ခဲ့ခြင်းဖြစ်ပြီး ၂၀၀၁ ခုနှစ်တွင် အစိုးရနည်းပညာကောလိပ်သို့လည်းကောင်း ၂၀၀၇ ခုနှစ်တွင် နည်းပညာတက္ကသိုလ်အဖြစ်လည်းကောင်း အဆင့်မြှင့်တင်လိုက်ခြင်းဖြစ်သည်။
