ရှမ်းပြည်နယ်(တောင်ပိုင်း) တောင်ကြီးမြို့တွင် နှစ်(၇၀)ပြည့် အာဇာနည်နေ့အခမ်းအနားအား ဗိုလ်ချုပ်ပန်းခြံ၌ ကျင်းပရာ ပြည်နယ်အစိုးရအဖွဲ့၊ ဌာနဆိုင်ရာများ၊ အရပ်ဘက်အဖွဲ့အစည်းများနှင့် ပြည်သူလူထုတို့ ပူးပေါင်းပါဝင်ကြပြီး ကျောင်းသားလူငယ်အများအပြား ပါဝင်ကြောင်း သိရသည်။
“ အစိုးရအဖွဲ့နဲ့ ဌာနဆိုင်ရာများက မနက် (၈)နာရီကတည်းက လွမ်းသူ့ပန်းခွေချ အလေးပြုအခမ်းအနား လုပ်ကြတယ်။ ပြီးတော့ မြို့လယ်ဓမ္မာရုံမှာ နေ့ဆွမ်းဆက်ကပ်တယ်။ အရပ်ဘက်အဖွဲ့အစည်းတွေ၊ ပြည်သူလူထုတွေလည်း လွမ်းသူ့ပန်းခွေချ အလေးပြုကြတယ်။ ကျောင်းသူကျောင်းသားတွေကတော့ ပုဂ္ဂလိကကျောင်းတွေရော၊ အစိုးရကျောင်းက ကျောင်းသား/ကျောင်းသူတွေရောပါတယ်။
အရပ်ဘက်အဖွဲ့အစည်းပေါင်း (၂၀)ကျော်လောက်ပါတယ်”ဟု အာဇာနည်နေ့ အခမ်းအနားတက်ရောက် ဂါရ၀ပြုခဲ့သည့် ရှမ်းပြည်နိုင်ငံရေးအဖွဲ့မှ ဦးတင်မောင်တိုးက ပြောသည်။
အာဇာနည်ခေါင်းဆောင်များအား အလေးပြုနိုင်ရန် နံနက် (၁၀)နာရီ (၃၇)မိနစ်အချိန်တွင် ဥသြဆွဲခြင်းကိုလည်း ယခုနှစ်တွင် လုပ်ဆောင်ခဲ့ကြောင်း သိရသည်။
ဓာတ်ပုံ - KT
