ကယားပြည်နယ်ရဲ့ ပထမဆုံး COVID-19 အတည်ပြုလူနာ ဆေးရုံဆင်း

ကယားပြည်နယ်ရဲ့ ပထမဆုံး COVID-19 အတည်ပြုလူနာဖြစ်တဲ့ သူနာပြုဆရာမမှာ Covid-19 ရောဂါပိုးမတွေ့ရှိတော့တဲ့အတွက် အောက်တိုဘာ (၁၃) ရက်နေ့က ဆေးရုံကဆင်းခွင့်ပြုလိုက်ပြီး နေအိမ်မှာ (၇) ရက်တာ Quarantine ဝင်ပြီးရင်တော့ မူလတာဝန်တွေ ပြန်လည်ထမ်းဆောင်ရမယ်လို့ သိရပါတယ်။

လက်ရှိ ကယားပြည်နယ်အတွင်းက COVID-19 လူနာတွေက ကျန်းမာရေးအခြေအနေကောင်းမွန်နေသလို ဆေးဝါးတွေလည်း အပြည့်အစုံရှိတယ်လို့ ဆေးရုံအုပ်ကြီးက ပြောပါတယ်။

ကယားပြည်နယ် လွိုင်ကော်ပြည်သူ့ဆေးရုံကြီးမှာ COVID-19 အတည်ပြုလူနာ (၇) ဦးရှိခဲ့ပြီး ပထမဆုံးလူနာက ဆေးရုံဆင်းခွင့် ရသွားတဲ့အတွက် အတည်ပြုလူနာ  (၆) ဦးသာ ကျန်ရှိနေတာဖြစ်ပါတယ်။