နိုင်ငံအတွင်း အောက်တိုဘာလ(၂၃)ရက်နေ့တွင် Covid-19 အတည်ပြုလူနာ (၁၃၀၀)ကျော် နှင့် သေဆုံးသူ (၃၀)ကျော် ထပ်တိုး
နိုင်ငံအတွင်းမှ ဓါတ်ခွဲနမူနာများကို ၂၀၂၀ခုနှစ် အောက်တိုဘာလ(၂၃)ရက်နေ့အတွက် စစ်ဆေးရာ Covid-19 အတည်ပြုလူနာ (၁,၃၆၁)ဦး ထပ်တိုးကြောင်း ကျန်းမာရေးနှင့်အားကစားဝန်ကြီးဌာနက သတင်းထုတ်ပြန်ထားရှိသည်။
၂၀၂၀ခုနှစ် မတ်လ(၂၃)ရက်နေ့ အောက်တိုဘာလ(၂၃)ရက်နေ့အထိ Covid-19 အတည်ပြုလူနာ စုစုပေါင်း (၄၂,၃၆၅)ဦးအထိရှိနေရာ သေဆုံးသူမှာလည်း (၃၃)ဦး ထပ်တိုးသည့်အတွက် သေဆုံးသူ စုစုပေါင်း (၁,၀၉၈)ဦးအထိ ရှိနေကြောင်း သိရသည်။
အတည်ပြုလူနာများအနက် သက်သာပျောက်ကင်း၍ ဆေးရုံမှ ဆင်းခွင့်ရသွားသူမှာ အောက်တိုဘာလ(၂၃)ရက်နေ့တွင် (၁,၃၀၁)ဦး ထပ်တိုးသည့်အတွက် ဆေးရုံဆင်းခွင့်ရရှိသွားသူ စုစုပေါင်း (၂၂,၄၅၄)ဦးရှိသော်လည်း ဒေသအသီးသီးတွင် ကုသမှု ခံယူနေသည့် အတည်ပြုလူနာ စုစုပေါင်း (၁၈,၈၇၃)ဦး ကျန်ရှိနေသေးကြောင်း သိရသည်။
