Covid-19 ကူးစက်ခံရသူ (၁၀၀)ဦးတွင်  (၉၈)ဦးမှာ ပြည်တွင်းကူးစက်သူများ ဖြစ်နေ

ကျန်းမာရေးနှင့်အားကစားဝန်ကြီးဌာနက ဩဂုတ်လ(၃၁)ရက်နေ့ ညပိုင်းနှင့် စက်တင်ဘာလ(၁)ရက်နေ့ နံနက်ပိုင်းအထိ စစ်ဆေးတွေ့ရှိချက်အရ ထုတ်ပြန်လိုက်သည့် Covid-19 အတည်ပြုလူနာ (၁၀၀)ဦးတွင် ပြည်ပပြန်(၂)ဦးသာ ပါဝင်သည်။

အတည်ပြုလူနာ (၁၀၀)ဦးတွင် ရခိုင်ပြည်နယ်အတွင်းမှာ နေထိုင်ပြီး ဘင်္ဂလားဒေ့ရှ် နိုင်ငံက ပြန်လာပြီးရန်ကုန်တိုင်းဒေသကြီးတွင် အသွားအလာကန့်သတ်ထားသူ အပါအဝင် ရန်ကုန်တိုင်းဒေသကြီးမှ (၄၈)ဦး၊ ရခိုင်ပြည်နယ်မှ (၄၈)ဦး၊ မန္တလေးတိုင်းဒေသကြီးအတွင်းမှ (၁)ဦး၊ ပဲခူးတိုင်းဒေသကြီးအတွင်းမှ (၁)ဦး၊ မကွေးတိုင်းဒေသကြီးမှ (၁)ဦး နှင့် ရုရှားနိုင်ငံက ပြန်လာပြီး နေပြည်တော်တွင် အသွားအလာကန့်သတ်ထားသူ (၁)ဦး စုစုပေါင်း (၁၀၀)ဦး ဖြစ်ရာ ပြည်ပပြန်(၂)ဦး ပါဝင်သည်။