ကျန်းမာရေးဌာနမှ တာချီလိတ်မြို့နယ်အတွင်း တာချီလိတ်၊ ကျိုင်းလပ် နှင့် တာလေမြို့တို့ရှိ ရပ်ကွက်၊ ကျေးရွာများတွင် ၂၀၂၀ ခုနှစ် သြဂုတ်လ (၂၇) ရက်နေ့ နံနက် (၉) နာရီမှစတင်၍ ဆုံဆို့နာကာကွယ်ဆေး အပါအဝင် အမှီလိုက်ကာကွယ်ဆေးများကို သတ်မှတ်နေရာများအလိုက် အခမဲ့ ထိုးနှံပေးရန်အတွက် ဆေးထိုးပေးမည့် နေရာများအား  ဩဂုတ်လ(၂၈)ရက်နေ့အတွက် ထုတ်ပြန်ထားရှိသည်။

အသက် (၁၅) နှစ်အောက်ကလေးများအား ဆုံဆို့နာကာကွယ်ဆေး အပါအဝင် အမှီလိုက်ကာကွယ်ဆေးများ ထိုးနှံခြင်းလုပ်ငန်းများကို ၂၀၂၀ ခုနှစ် သြဂုတ်လ (၂၇) ရက်နေ့ နံနက် (၉) နာရီမှစတင်၍ ရပ်ကွက်၊ ကျေးရွာအလိုက် စုရပ်များ၌ ထိုးနှံပေးနေခြင်း ဖြစ်ပြီး သြဂုတ်လ (၂၇) ရက်နေ့မှစတင်ပြီး (၁၀) ရက်အတွင်း  ကာကွယ်ဆေးလိုအပ်သည့် ကလေးတိုင်းကို  အခမဲ့ထိုးနှံပေးသွားမည်ဖြစ်သည်။

နေ့စဉ်ကာကွယ်ဆေးထိုးနှံမည့် စုရပ်နေရာများအား နေ့အလိုက် ဖေါ်ပြပေးသွားမည်ဖြစ်ပါသည်။