တာချီလိတ်၊ တာလေ နှင့် ကျိုင်းလပ်တို့တွင် သြဂုတ်လ (၂၉)ရက်နေ့၌ ဆုံဆို့နာကာကွယ်ဆေး အပါအဝင် အမှီလိုက်ကာကွယ်ဆေး အခမဲ့ထိုးပေးမည့် စုရပ်နေရာများသတ်မှတ်ထား

သြဂုတ် 28, 2020

By 🌸

တာချီလိတ်မြို့နယ်အတွင်း တာချီလိတ်၊ ကျိုင်းလပ်နှင့် တာလေတို့တွင် ဆုံဆို့နာရောဂါကာကွယ်ဆေး အပါအဝင် အမှီလိုက်ကာကွယ်ဆေးထိုးနှံခြင်း တတိယနေ့အဖြစ် ၂၀၂၀ ခုနှစ်၊ သြဂုတ်လ (၉၈)ရက်နေ့၌ သတ်မှတ်စုရပ်များတွင် ဆက်လက်ထိုးနှံပေးသွားမည်ဖြစ်သည်။

အသက် (၁၅) နှစ်အောက်ကလေးများအနက် ကာကွယ်ဆေးထိုးရန်လိုအပ်သည့် ကလေးများကို ၂၀၂၀ ခုနှစ် သြဂုတ်လ (၂၉) ရက်နေ့ နံနက် (၉) နာရီမှစတင်၍ ရပ်ကွက်၊ ကျေးရွာအလိုက် စုရပ်များ၌ စတင်ထိုးနှံပေးသွားမည်ဖြစ်သည်။

ပုံမှန်ကာကွယ်ဆေးထိုးအစီအစဉ်တွင် အကြောင်းအမျိုးမျိုးကြောင့် ထိုးနှံခဲ့ရခြင်းမရှိသည့် အသက် (၁၅)နှစ်အောက် ကလေးငယ်များကို အမှီလိုက်ကာကွယ်ဆေးထိုးအစီအစဉ်ဖြင့် သြဂုတ်လ (၂၇)ရက်နေ့မှစ၍ (၁၀)ရက်ကြာ ထိုးနှံပေးသွားမည်ဖြစ်သည်။