ဘင်္ဂလားဒေ့ရှ်နိုင်ငံက ပြန်လာသည့် ရခိုင်ပြည်နယ်က အမျိုးသားတစ်ဦးတွင် Covid-19 ပိုးတွေ့
မြန်မာနိုင်ငံအတွင်း Covid-19 ကူးစက်ခံရသူ (၂၄၄)ဦးမြောက်အဖြစ် ရခိုင်ပြည်နယ် မောင်တောမြို့နယ်က အမျိုးသားတစ်ဦးကို စစ်ဆေးတွေ့ရှိရပြီး ၎င်းသည် ဘင်္ဂလားဒေ့ရှ်နိုင်ငံက ပြန်လာသူဖြစ်ကြောင်း ကျန်းမာရေးနှင့်အားကစားဝန်ကြီးဌာနက ဇွန်လ(၈)ရက်နေ့တွင် သတင်းထုတ်ပြန်သည်။
၂၀၂၀ခုနှစ် ဇွန်လ(၈)ရက်နေ့ ညပိုင်း(၈)နာရီအထိ ဓါတ်ခွဲနမူနာပေါင်း (၈၁၆)ခုကို စစ်ဆေးရာမှ တစ်ဦးတွင် covid-19 ပိုးတွေ့ရှိရခြင်း ဖြစ်သည်။
မြန်မာနိုင်ငံတွင် ဇွန်လ(၈)ရက်နေ့ ည(၈)နာရီအထိ ကူးစက်ခံရသူ (၂၄၄)ဦးအထိရှိနေသည်။
Tachileik News Agency
