တာချီလိတ်မြို့တွင်း လုံခြုံရေးအတွက် CCTV ကင်မရာတွေ တပ်ဆင်ဖို့ ပြည်နယ်အစိုးရက ကျပ် (၁၀၉)သန်း ပံ့ပိုးမည်
မြန်မာ - ထိုင်းနယ်စပ်ဒေသ၊ တာချီလိတ်မြို့တွင်း လုံခြုံရေးအတွက် CCTV ကင်မရာတွေတပ်ဆင်ဖို့ ၂၀၁၉-၂၀၂၀ ဘဏ္ဍာနှစ်မှာ ရှမ်းပြည်နယ်အစိုးရအဖွဲ့က ရန်ပုံငွေကျပ်သန်း (၁၀၉)သန်း ကိုပံ့ပိုးပေးသွားမှာဖြစ်ပါတယ်။
လက်ရှိတပ်ဆင်ထားတဲ့ ကင်မရာတွေက အဆင်မပြေသလို CCTV ကင်မရာတွေကို ဘယ်ဌာနကတာဝန်ယူဆောင်ရွက်မယ်ဆိုတာကိုလည်း မသိသေးဘူးလို့ ပြည်နယ်လွှတ်တော်ကိုယ်စားလှယ် ဦးခင်မောင်တင့်က ပြောပါတယ်။
ဘတ်ဂျက်တွေမလုံလောက်ရင် ၂၀၂၀-၂၀၂၁ ဘတ်ဂျက်မှာထပ်မံတင်ပြတောင်းခံသွားမယ်လို့ ပြည်နယ်လွှတ်တော်ကိုယ်စားလှယ် ဦးခင်မောင်တင့်က ပြောပါတယ်။
တာချီလိတ်မြို့တွင်း နေရာပေါင်း (၂၄) နေရာမှာ CCTV ကင်မရာတွေ တပ်ဆင်သွားဖို့စီစဉ်ထားပြီး ဗိုလ်ချုပ်လမ်းမကြီးတစ်လျှောက် နေရာ (၆) နေရာမှာ ခရိုင်စီမံခန့်ခွဲမှုကော်မတီက ဒေသရန်ပုံငွေနဲ့ တပ်ဆင်ထားပြီးဖြစ်ပေမဲ့ ထိရောက်မှုမရှိသေးကြောင်း ဒေသခံတွေက ဆိုပါတယ်။
Tachileik News Agency
တင်ဆက် - ကိုဇောင်း
သတင်းရိုက်ကူး - ဟန်စိုးထိုက်
