တာချီလိတ်မြို့ မယ်ခေါင်ရပ်ကွက်အတွင်း အမျိုးသမီးတစ်ဦးအား မူးယစ်ဆေးဝါးနှင့်အတူ ဖမ်းမိ
မြန်မာ - ထိုင်းနယ်စပ်ဒေသ တာချီလိတ်မြို့တွင် ၂၀20 ခုနှစ်၊ ဇန်နဝါရီလ (၈)ရက်နေ့ ညနေ (၅)နာရီကျော်ဝန်းကျင်က လမ်းလျှောက်လာသည့် အမျိုးသမီးတစ်ဦးထံမှ အိုက်စ်အလေးချိန် (၁)ကီလိုကို ဖမ်းဆီးရမိကြောင်း သိရသည်။
ရဲတပ်ဖွဲ့က တာချီလိတ်မြို့၊ မယ်ခေါင်ရပ်ကွက်၊ မယ်ခေါင်(၂)လမ်းပေါ်တွင် လမ်းလျှောက်လာသည့် အသက် (၂၉)နှစ်အရွယ် မစီးစီးရာကို စစ်ဆေးရာ ၎င်းလွယ်ထားသည့် လွယ်အိတ်အတွင်းမှ အိုက်စ် အလေးချိန် (၁) ကီလိုကို စစ်ဆေးတွေ့ရခြင်းဖြစ်ကြောင်း သိရသည်။
မူးယစ်ဆေးများနှင့်အတူ ဖမ်းဆီးရမိသည့် စီးစီးရာကို တာချီလိတ်မြို့မရဲစခန်းတွင် မူးယစ်ဆေးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေဖြင့် အမှုဖွင့်စစ်ဆေးနေကြောင်း သိရသည်။
Tachileik News Agency
