မြန်မာ့ရိုးရာ (၁၂)လရာသီပွဲတော်များ နှင့် ပန်းများ အထိမ်းအမှတ်အဖြစ် ပို့ဆောင်ရေးနှင့်ဆက်သွယ်ရေးဝန်ကြီးဌာန၏ မြန်မာ့စာတိုက်လုပ်ငန်းက တံဆိပ်ခေါင်းများအား ထုတ်လုပ်ရောင်းချပေးနေရာ ၂၀၁၉ခုနှစ် နတ်တော်လအတွက် စာဆိုတော်ပွဲ နှင့် သဇင်ပန်း ပုံပါ တံဆိပ်ခေါင်းကို ၂၀၁၉ခုနှစ် နိုဝင်ဘာလ(၂၇)ရက်နေ့က စ၍ ရောင်းချပေးသွားမည်ဖြစ်ကြောင်း သိရသည်။
တိုင်းဒေသကြီး နှင့် ပြည်နယ်များရှိ လုပ်ငန်းပြည့် စာတိုက်အသီးသီးတွင် နိုဝင်ဘာလ(၂၇)ရက်နေ့ နံနက် (၉)နာရီက စ၍ ဝယ်ယူရရှိနိုင်ရန် စီစဉ်ပေးထားကြောင်း သိရသည်။
နေပြည်တော် ဗဟိုစာတိုက်ကြီး နှင့် ရန်ကုန်စာတိုက်ကြီးအပါအဝင် မန္တလေးစာတိုက်ကြီးတို့တွင် အဆိုပါနေ့၌ ဝယ်ယူသူများအား အထူးအစီအစဉ်အဖြစ် စာပို့တံဆိပ်ခေါင်းများနှင့် ပထမနေ့ စာအိတ်(Firstday Cover)များပေါ်တွင် နေ့စွဲအမှတ်အသား တံဆိပ်ရိုက်နှိပ်ပေးမည်ဖြစ်ကြောင်း မြန်မာ့စာတိုက်လုပ်ငန်းက အသိပေးကြေညာထားရှိသည်။
Tachileik News Agency
