~~~~~~~~⊰❂ Unicode Version ❂⊱~~~~~~~~

မြောက်ပိုင်းမဟာမိတ် (၃)ဖွဲ့ဖြစ်သည့် AA၊ TNLA နှင့် MNDAA တို့က ၂၀၁၉ ခုနှစ်၊ စက်တင်ဘာလ (၂၀) ရက်နေ့တွင် ဒီဇင်ဘာလကုန်အထိ တစ်ဖက်သတ်အပစ်အခတ်ရပ်စဲသည်ဟု ထုတ်ပြန်ကြေညာခဲ့ပြီးနောက် ယင်းနေ့မှာပင် ရခိုင်ပြည်နယ် ဘူးသီးတောင်မြို့နယ်ရှိ တပ်မတော်ဌာနချုပ်တစ်ခုအား လက်နက်ကြီးနှင့် ပစ်ခတ် တိုက်ခိုက်ခဲ့မှုဖြစ်ပွားခဲ့သည်။

“မနေ့က အဲဒီအဖွဲ့တွေက တစ်ဖက်သတ် အပစ်အခတ်ရပ်စဲတယ်ဆိုပြီးတော့ ကြေညာချက်ထုတ်တယ်။ ဘယ်လောက်မှ မကြာဘူး လေးငါးနာရီလောက်အတွင်း နာရီပိုင်းအတွင်းမှာပဲ ဘူးသီးတောင်မှာရှိတဲ့ ဌာနချုပ်တစ်ခုကို အဝေးကနေ လက်နက်ကြီးနဲ့ပစ်တယ်။ မိသားစုဝင်ကလေးငယ်(၂)ဦး ဒဏ်ရာရရှိတယ်။ ဒါ သူတို့ လုပ်ဆောင်နေတဲ့ တကယ့်မြပြေင်အခြေအနေတွေပဲ။ ကြေညာချက်ထုတ်ပြီး နာရီပိုင်းအတွင်းမှာပဲ ဒီလိုဆောင်ရွက်ခဲ့တာဖြစ်တယ်။ နိုင်ငံတော်အစိုးရ၊ တပ်မတော်နဲ့ ကျွန်တော်တို့ ငြိမ်းချမ်းရေးကို လိုလားနေတဲ့၊ ငြိမ်းချမ်းရေးကို ပါဝင်ဆောင်ရွက်နေတဲ့ အဖွဲ့အစည်းတွေ ပြည်သူလူထုကို ဒါလိမ်လည်လှည့်ဖျားပြီး ပေါ်တင်စော်ကားလိုက်တာလို့ပဲ မြင်တယ်။ ဒါကြောင့်မို့လို့ ကျွန်တော်တို့အနေနဲ့ ပစ်ခတ်တိုက်ခိုက်မှုရပ်စဲရေးနဲ့ ထာဝရငြိမ်းချမ်းရေးကို ထုတ်ပြန်ဖို့အစီအစဉ် အခုလောလောဆယ်ထိမရှိပါဘူး”ဟု တပ်မတော် သတင်းမှန်ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ်ဇော်မင်းထွန်းက တာချီလိတ်သတင်းအေဂျင်စီသို့ ၂၀၁၉ခုနှစ် စက်တင်ဘာလ(၂၁)ရက်နေ့ ညနေ(၅း၅၀)နာရီအချိန်က ပြောသည်။

အပစ်မရပ်သေးသည့် မဟာမိတ် (၄)ဖွဲ့က ငြိမ်းချမ်းရေးဆွေးနွေးလိုကြောင်း ထုတ်ပြန်ချက်အရ တပ်မတော်က အပစ်ရပ်ကြေညာခြင်းကို (၄)ကြိမ်တိုင်တိုင် ကြေညာပေးခဲ့ပြီးနောက် တပ်မတော်စေ့စပ်ညှိနှိုင်းရေးအဖွဲ့ပါ ဖွဲ့စည်းပေးခဲ့ခြင်းဖြစ်သည်။

“အဓိက ကတော့ ကျွန်တော်ပြောချင်တာက ပစ်ခတ်တိုက်ခိုက်မှုရပ်စဲရေးနှင့် ထာဝရငြိမ်းချမ်းရေးဆိုတဲ့ ထုတ်ပြန်ချက်ဆိုတဲ့ဟာ ဖြစ်လာတဲ့ဟာလေးတွေကို ကျွန်တော်တို့ ပြန်ကြည့်ရပါမယ်။ ကြားထဲမှာဖြစ်လာတဲ့ လုပ်ဆောင်ချက်တွေကို ကျွန်တော်တို့ ပြန်ကြည့်ရပါမယ်။ အဲဒီမှာ ကျွန်တော်ပြောချင်တာကတော့ အပစ်အခတ်ရပ်စဲရေးနဲ့ ထာဝရငြိမ်းချမ်းရေးဆိုတဲ့ထုတ်ပြန်ချက် ပထမဆုံး ဖြစ်ပေါ်လာတဲ့အခြေအနေက ဒီအဖွဲ့ (၃)ဖွဲ့က ၂၀၁၈ ခုနှစ်၊ ဒီဇင်ဘာလ (၁၂)ရက်နေ့မှာ ထုတ်ပြန်ကြေညာချက်တစ်ခု ထုတ်ပြန်ကြေညာခဲ့တယ်။ အဲဒီထုတ်ပြန်ချက်ရဲ့အနှစ်ချုပ်က ဘာပါတုန်းဆိုတော့ သူတို့အနေနဲ့ စစ်ရေးဆိုင်ရာဆောင်ရွက်မှုအားလုံး ဦးစွာရပ်ဆိုင်းပြီး နိုင်ငံရေးနည်းလမ်းအရ ဆောင်ရွက်ရန်ဆန္ဒရှိတယ်လို့ ဖော်ပြထားတယ်။ ပြီးရင် နောက်တစ်ခုကတော့ နိုင်ငံရေးနည်းလမ်းအရ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးလုပ်ငန်းစဉ်မှာ ဆက်လက်ပါဝင်မည်လို့ သူတို့ ထုတ်ပြန်ထားတယ်။ အဲဒီထုတ်ပြန်ချက်နဲ့ ပတ်သက်ပြီး NRPC ကနပြေီး ကြိုဆိုပါတယ်ဆိုပြီး ထုတ်ပြန်တယ်။ ဒါကြောင့်မို့လို့ တပ်မတော်အနေနဲ့ ဒီဇင်ဘာလ (၂၁)ရက်နေ့မှာ သူတို့အနေနဲ့ ဆွေးနွေးနိုင်အောင်၊ ငြိမ်းချမ်းရေးလုပ်ငန်းစဉ်တွေ ဆောင်ရွက် နိုင်အောင်ဆိုပြီးတော့ ထာဝရငြိမ်းချမ်းရေးနှင့် ပစ်ခတ်တိုက်ခိုက်မှုရပ်စဲရေးအတွက် ပထမဦးဆုံးအကြိမ် ထုတ်ပြန်ခဲ့တယ်။ လေးလတာ အပစ်အခတ်ရပ်ဆိုင်းပေးလိုက်တယ်။ အဲဒီလေးလတာ ရပ်ဆိုင်းပေးလိုက်တဲ့ အချိန်အတွင်းမှာ ဒီအဖွဲ့တွေကို NRPC နဲ့ တွေ့ဆုံဆွေးနွေးဖို့ ကျွန်တော်တို့ တိုက်တွန်းခဲ့တယ်။ အဲဒီကြေညာချက်ထဲမှာပဲ။ ဒါ့အပြင် ကျွန်တော်တို့ တပ်မတော်နဲ့ တွေ့ဆုံဆွေးနွေးနိုင်အောင်လို့ဆိုပြီးတော့ တပ်မတော်စေ့စပ်ညှိနှိုင်းရေးအဖွဲ့ဆိုပြီးတော့ (၈)ဦးပါတဲ့အဖွဲ့နဲ့ ဖွဲ့စည်းပေးခဲ့တယ်။ လမ်းဖွင့်ပေးခဲ့တယ်”ဟု တပ်မတော် သတင်းမှန်ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ်ဇော်မင်းထွန်းက ပြောသည်။

ယင်းသို့အပစ်ရပ်ကာလအတွင်း အပစ်မရပ်သေးသည့်အဖွဲ့များအနဖြေင့် ပြည်သူလူထု၏ အသက်အိုးအိမ်စည်းစိမ် မထိခိုက်စေရန်နှင့် အစိုးရအုပ်ချုပ်မှုယန္တရားစနစ်ကို မတိုက်ခိုက်ရန် တပ်မတော်က တားမြစ်ထားကြောင်း သိရသည်။

“နောက်ဆုံးမှာတော့ သိတဲ့အတိုင်းမှာ ပြင်ဦးလွင်တို့၊ ဂုတ်တွင်း၊ နောင်ချို (၃)နေရာမှာ တိုက်ခိုက်ခဲ့တယ်။ တိုက်ခိုက်ခဲ့တဲ့ နေရာတွေမှာဆို စစ်ဘက်ဆိုင်ရာပစ်မှတ်ဆိုလို့ (၂)ခုပဲ ပါတယ်။ ကျန်တဲ့ဟာတွေက ဂုတ်တွင်းတံတားကို မိုင်းထောင်ဖျက်ဆီးခဲ့တယ်။ ပြီးရင်ကျွန်တော်တို့ နောင်ချိုမှာရှိတဲ့ မူးယစ်ဆေး ရှာဖွေရေးစခန်းကို တိုက်ခိုက်တယ်။ ပြင်ဦးလွင်မှာရှိတဲ့ မူးယစ်ဆေးရှာဖွေရေးယာဉ်ကို တိုက်ခိုက်ခဲ့တယ်။ ကွမ်လုံဘက်လမ်းကြောင်းက တံတား (၃)စင်းကို မိုင်းထောင်ဖောက်ခွဲ ဖျက်ဆီးခဲ့တယ်။ အဲဒီမှာ ခရီးသည်တင်ယာဉ်တွေ၊ ကုန်စည်ကူးသန်းနေတဲ့ ကုန်ကားတွေ၊ အိမ်စီးကားတွေ မီးရှို့ဖျက်ဆီးခဲ့တာ၊ ပစ်ခတ်ခဲ့တာတွေ လုပ်ခဲ့တယ်။ နောက်ဆုံးမှာတော့ အဲဒီအခြေအနကြေားထဲကနေ ကျိုင်းတုံဆွေးနွေးပွဲ လုပ်ခဲ့တယ်။ ကျိုင်းတုံဆွေးနွေးပွဲမှာ ဘာရလဒ်တွေရခဲ့လဲဆိုတာကတော့ အားလုံးလည်း သိပြီးသားဖြစ်တယ်။ အဲဒါနဲ့ပတ်သက်လို့ NRPC ကနပြေီးတော့လည်း သတင်းစာရှင်းလင်းပွဲ လုပ်ဆောင်ပြီးဖြစ်တယ်။ ဘာရလဒ်မှ မထွက်ဘူးဆိုတာ မြင်ကြမှာဖြစ်တယ်”ဟု တပ်မတော် သတင်းမှန်ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ်ဇော်မင်းထွန်းက ပြောသည်။

တပ်မတော်က အပစ်ရပ်ကြေညာသည့် (၉)လတာကာလအတွင်း NRPC နှင့် ဆွေးနွေးနေသည့် မပစ်မရပ်သေးသည့် မြောက်ပိုင်းမဟာမိတ် (၄)ဖွဲ့အနက် AA၊ TNLA နှင့် MNDAA တို့က တပ်မတော်အပစ်ရပ်ကြေညာသည့် စစ်တိုင်း(၅)ခုတွင် ရခိုင်ပြည်နယ်မပါဝင်၍ဟုဆိုကာ ရှမ်းပြည်နယ်မြောက်ပိုင်းတွင် ပစ်ခတ်တိုက်ခိုက်မှုများ လုပ်ဆောင်ခဲ့ခြင်းဖြစ်သည်။

Tachileik News Agency
သတင်း - ချယ်ရီထိုက်