~~~~~~~~⊰❂ Unicode Version ❂⊱~~~~~~~~

တရားစီရင်မှု၏ နောက်ဆုံးအဆင့်ဖြစ်သည့် အယူခံကို နွန်ထဘူရီခရိုင်တရားရုံးက အမိန့်ဖတ်ကြားမည်ဖြစ်ပြီး ဝင်းဇော်ထွန်းနှင့် ဇော်လင်းတို့အနဖြေင့် ဘာသာပြန်ဖြင့် နားထောင်ရမည်ဖြစ်ကြောင်း၎င်းတို့၏ရှေ့နဖြေစ်သည့် ထိုင်းရှေ့နေများကောင်စီဝင်ရှေ့နေက MWRN သို့ ပြောကြားလာကြောင်း သိရသည်။

ထိုင်းနိုင်ငံတောင်ပိုင်း ဆူရတ်ဌာနီခရိုင်အတွင်းရှိ ခိုတောင်ကျွန်း (လိပ်ကျွန်း)တွင် ၂၀၁၄ ခုနှစ်ကုန်ပိုင်းက ဗြိတိန်နိုင်ငံသား (၂) ဦး အသတ်ခံရမှုနှင့် ပတ်သက်ပြီး မြန်မာနိုင်ငံသားနှစ်ဦးဖြစ်သည့် ဇော်လင်းနှင့် ဝင်းဇော်ထွန်းတို့အား ကော်စမွီခရိုင်တရားရုံးက ၂၀၁၅ ခုနှစ်၊ ဒီဇင်ဘာလ (၂၄) ရက်နေ့တွင် သေဒဏ် စီရင်ချက်ချခဲ့ခြင်းခံရသဖြင့် ထိုင်းရှေ့နေများ ပူးပေါင်း၍ ထိုင်းအယူခံ တရားရုံးတွင် နှစ်ကြိမ်တိုင်တိုင် အယူခံတင်ခဲ့ပြီးဖြစ်သည်။

ဝင်းနှင့်ဇော်အား ချမှတ်သည့်ပြစ်ဒဏ်နှင့်ပတ်သက်၍ ၂၀၁၇ ခုနှစ်၊ သြဂုတ်လ (၂၁) ရက်နေ့တွင် ကော့စမွေ တရားရုံးမှ တစ်ဆင့် အဆင့်မြင့်ထိုင်းအယူခံတရားရုံးသို့ နောက်ဆုံးအယူခံတင်ခဲ့ပြီးနောက် ၂၀၁၈ ခုနှစ်၊ မတ်လ (၂၃) ရက်နေ့က ထိုင်းအဆင့်မြင့်တရားရုံးသို့ အယူခံ ခုခံလျှောက်လဲချက် တင်သွင်းထားခဲ့ကာ ထိုင်းအဆင့်မြင့်တရားရုံးမှ အပြီးသတ်အမိန့်ချမှတ်ရန် စောင့်ဆိုင်းနကြခြေင်းဖြစ်သည်။

ဝင်းနှင့်ဇော်က လူသတ်မှုနှင့် ပတ်သက်၍ ဝန်ခံသည်ဟု ထိုင်းရဲအရာရှိများက အခင်းဖြစ်ပွားပြီးနောက် ထုတ်ပြန်ကြေညာခဲ့သော်လည်း နောက်ပိုင်းတွင် ထိုင်းရဲများ၏ နှိပ်စက်ဝန်ခံခိုင်းခြင်းကြောင့် ဝန်ခံခဲ့ရပြီး လူသတ်မှုကို မကျူးလွန်ကြောင်း ထွက်ဆိုထားခြင်းဖြစ်သည်။

Tachileik News Agency