~~~~~~~~⊰❂ Unicode Version ❂⊱~~~~~~~~

“အစိုးရဖက်က တောင်းဆိုတယ်။ တပ်မတော်ဖက်က လုပ်နေတာက ပြည်ထောင်စုလမ်းမကြီး ဒီကုန်သွယ်ရေး လမ်းမကြီး အမြန်ဆုံးပွင့်ဖို့ ဆက်စပ်လမ်းတွေပွင့်ဖို့ လုပ်ဆောင်နေတာဖြစ်တယ်။ ပြောရရင်တော့ သွားတိုက်နေတာ မဟုတ်ဘူး။ ဒီလမ်းမပေါ် လမ်းကြောင်းတစ်လျှောက်ကို ရှင်းနေတာဖြစ်တယ်။ ဒီလမ်းကြောင်း တစ်လျှောက် ရှိနေတဲ့အတွက် အလွတ်သဘောဆွေးနွေးပွဲတွေမှာလည်း အလွတ်သဘော အပြင်မှာလည်း ကျွန်တော်တို့ပြောတယ်။ ဒီလမ်းကြောင်းရှင်းဖို့အတွက်ကို လုပ်တာ။ ဒါကိုတော့ ကျွန်တော်တို့က တောင်းဆိုပါတယ်။ အဲဒီအပြင်ကို လတ်တလောမှာ ဒီလမ်းမကြီးကို လုံခြုံစွာနဲ့ သွားလာနိုင်ဖို့၊ ကူးသန်းရောင်းဝယ်ရေးတွေ စီးဆင်းနိုင်ဖို့ အဲဒါအပြင် ဆက်စပ်နယ်မြေတွေမှာ တိုက်ပွဲတွေ မဖြစ်ဖို့ဆိုပြီး ကျွန်တော်တို့က သူတို့ကို အဆိုပြုချက် နှစ်ခုရှိတယ်။ အဲဒါကိုလည်း သူတို့ထဲမှာ မဆုံးဖြတ်နိုင်တဲ့အတွက် သူတို့ပြန်သွားတဲ့အခါမှာ ခေါင်းဆောင်တွေအကြားမှာ ပြန်ဆွေးနွေးဖို့ရှိပါတယ်။ ဆွေးနွေးပြီးရင်တော့ တစ်စုံတစ်ရာအကြောင်းပြန်မယ်လို့ သိရတယ်။ ကျွန်တော်တို့ကတော့ ဒါကို အမြန်ဆုံးလုပ်ဖို့ တောင်းဆိုထားတယ်”ဟု နိုင်ငံတော်သမ္မတရုံး ညွှန်ကြားရေးမှူးချုပ် ဦးဇော်ဌေးက သတင်းစာရှင်းလင်းပွဲတွင် တာချီလိတ်သတင်းအေဂျင်စီ၏ မေးခွန်းကို ပြန်လည်ဖြကြေားသည်။

ရှမ်းပြည်နယ်မြောက်ပိုင်း ပြည်ထောင်စုလမ်းမကြီးတစ်လျှောက်တွင် ၂၀၁၉ ခုနှစ်၊ သြဂုတ်လ (၁၅) ရက်နေ့မှစ၍ TNLA၊ AA နှင့် MNDAA ပူးပေါင်းအဖွဲ့တို့က တိုက်ခိုက်မှုများအတွင်း တံတားများ မိုင်းခွဲဖျက်ဆီးခြင်းများကြောင့် လမ်းပန်းဆက်သွယ်ရေး ယာယီပြတ်တောက်မှုများဖြစ်ခဲ့ရသည့်အပြင် လမ်းပိုင်းတွင် သွားလာနေသည့် အရပ်သားကားများအား မီးရှို့ဖျက်ဆီးခြင်းများကြောင့် သြဂုတ်လ (၃၁)ရက်နေ့အထိ ကုန်သွယ်ရေးရပ်တန့်နခြေင်းဖြစ်သည်။

မြန်မာနိုင်ငံ၏ အကြီးဆုံးနယ်စပ်ကုန်သွယ်ရေးလမ်းကြောင်းဖြစ်သည့် တရုတ်နယ်စပ် ကုန်သွယ်ရေး လမ်းကြောင်း ပြတ်တောက်သွားသည့်အပြင် ဒေသခံပြည်သူများ ဘေးကင်းလုံခြုံစွာ သွားလာနိုင်ခြင်းမရှိတော့သဖြင့် ၂၀၁၉ ခုနှစ်၊ သြဂုတ်လ (၃၁)ရက်နေ့တွင် ငြိမ်းချမ်းရေးကော်မရှင်နှင့် မဟာမိတ်အဖွဲ့ (၄)ဖွဲ့ဖြစ်သည့် AA၊ TNLA နှင့် MNDAA တို့ ရှမ်းပြည်နယ်အရှေ့ပိုင်း ကျိုင်းတုံမြို့တွင် ဆွေးနွေးခဲ့ခြင်းဖြစ်သည်။

Tachileik News Agency