~~~~~~~~⊰❂ Unicode Version ❂⊱~~~~~~~~

အမေရိကန်ပြည်ဝင်ခွင့်ဗီဇာလျှောက်ထားသူများ လူမှုကွန်ယက်အသုံးပြုနေသည့်အမည်များကိုပါ တင်ပြရမည်
****************
အမေရိကန်ပြည်ဝင်ခွင့်လျှောက်ထားသူများအနေဖြင့် (၅)နှစ်အတွင်း မိမိတို့အသုံးပြုသည့် လူမှုကွန်ယက်များအားလုံးတွင် အသုံးပြုနေသည့်အမည်များ၊ အီးမေးလိပ်စာများနှင့် ဖုန်းနံပါတ်များကိုပါ တင်ပြရတော့မည်ဖြစ်သည်။

လူမှုကွန်ယက်များဖြစ်သည့် Facebook၊ Twitter၊ Instagram၊ YouTubeနှင့် အခြားလူမှုကွန်ယက်များအားလုံး၏ အသုံးပြုသူအမည်များကို တင်ပြရမည်ဖြစ်ကြောငး် သိရသည်။
အမေရိကန်ဗီဇာလျှောက်ထားခြင်းနှင့်ပတ်သက်၍ သမ္မတဒေါ်နယ်ထရမ့်၏ ၂၀၁၇ ခုနှစ်ကတည်းက စတင်ခဲ့သည့် ပြောင်းလဲမှုများမှ လူမှုကွန်ယက်စာမျက်နှာအကောင့်ကိုပါ ပူးတွဲတင်ပြရန် ၂၀၁၈ ခုနှစ်က ကြေငြာခဲ့ခြင်းဖြစ်ပြီး ၂၀၁၉ ခုနှစ် ဇွန်လတွင် စတင်သက်ဝင်လာခြင်းဖြစ်ကြောင်း သိရသည်။

အဆိုပါအပြောင်းအလဲမှာ အမေရိကန်ပြည်ထောင်စုသို့ နှစ်စဉ်လာရောက်နေသည့် ခရီးသွား (၁၅)သန်းဝန်းကျင်ကို သက်ရောက်စေမည်ဖြစ်သည်။

နိုင်ငံတော်လုံခြုံရေးအတွက် တင်းကျပ်လိုက်သည့်အတွက် ပြည်ဝင်ခွင့်၊ နေထို်င်ခွင့်လျှောက်ထားသူများအားလုံးသည် ခရီးသွားလာမှုမှတ်တမ်း၊ မိသားစုအချက်အလက်များနှင့် ယခင်နေထိုင်ခဲ့သည့် လိပ်စာများပါ တင်ပြရန်လိုအပ်လာကြောင်း သိရသည်။

ယင်းကဲ့သို့ တင်းကျပ်လိုက်သည့်စစ်ဆေးမှုများကြောင့် ပုဂ္ဂိုလ်ရေးဆိုင်ရာအချက်အလက်များ စုဆောင်းခြင်းနှင့် ခွဲခြားဆက်ဆံသည့်အခြေအနေများဖြစ်လာဖွယ်ရှိနိုင်သည်ဟု အမေရိကန်နိုင်ငံသားများလွတ်လပ်ရေးသမဂ္ဂက ဝေဖန်ထားသည်။

Tachileik News Agency
Ref: Independent