~~~~~~~~⊰❂ Unicode Version ❂⊱~~~~~~~~

"စိတ်ပါဝင်စားရင် လာစိုက်လို့ရတယ်ဗျ။ ဗမာယဉ်ကျေးမှုအဖွဲ့က (၈၀၀) ပေါ့။ ကျွန်တော်တို့ကကျတော့ ယူကလစ်၊ မန်ဂျန်ရှားနဲ့ မယ်ဇယ်လီ အရိပ်ရပင်တွေ အတက်လမ်းမှာ (၂၀၀)၊ (၃၀၀) လောက်မှန်းထားတဲ့အတွက် အပင် (၁၀၀၀) ကျော်လောက်ဖြစ်သွားမှာပေါ့။ (၁၉) ရက်နေ့ကျရင် အဲဒီကိုလာစိုက်ရုံပါပဲဗျ။ ကျွန်တော်တို့ ကျင်းတူးထားမယ်၊ အပင်ချပေးထားမယ်"ဟု သစ်တောဦးစီးဌာနမှ တာချီလိတ်မြို့နယ် ဦးစီးမှူး ဦးအောင်စိုးတင့်က တာချီလိတ်သတင်းအေဂျင်စီသို့ ပြောသည်။

အရှည် (၁) မိုင်ခွဲခန့်ရှိ ပုံလို့(မြို့မ)သုသာန်သွားရာ လမ်းမကြီးဘေးဝဲ၊ယာတွင် ပိတောက်၊ ကံ့ကော်၊ ခရေ၊ ငုဝါအစရှိသည့် အလှပန်းပင်များနှင့် အရိပ်ရပင်များကို သစ်တောဦးစီးဌာနနှင့် ဗမာတိုင်းရင်းသားယဉ်ကျေးမှုအဖွဲ့တို့ ပူးပေါင်းစိုက်ပျိုးမည်ဖြစ်ပြီး စိတ်ပါဝင်စားသူများ လာရောက်ပူးပေါင်းစိုက်ပျိုးနိုင်ကြောင်း သိရသည်။

"ကျွန်တော်တို့ဆီမှာတော့ စိန်ပန်းပင်ပျိုးပင် (၂၀၀) ရှိတယ်။ သူတို့ကတော့ ခရေတို့ ကံ့ကော်တို့ ငုဝါတို့ ယူလာမယ်ပြောတယ်။ဟိုနေ့က ဗမာတိုင်းရင်းသားယဉ်ကျေးမှုအဖွဲ့က ကိုယ်တို့ဆီနေရာလာကြည့်တယ်။ ဒီနေရာတွေလွတ်တယ်၊ ဒီနေရာတွေစိုက်မယ်။ သူတို့လာစိုက်မှာတော့ တစ်ထွာလောက်တွေ၊ (၁) ပေလောက်တွေ၊ (၂) ပေလောက်တွေပေါ့။ ကျွန်တော်တို့ဆီမှာတော့ စိန်ပန်းပင်တွေက (၄) ပေလောက်တွေရှိတယ်။ သူတို့စိုက်တဲ့အပင်တွေကတော့ အားလုံးရှင်သန်နိုင်မယ်၊ မရှင်သန်မယ်မသိဘူးပေါ့။ စိုက်ပြီးရင်ဒီတိုင်းပစ်ထားလို့မရသေးဘူး။ မိုးမရွာဘူးဆိုရင် အမြစ်စွဲအောင်လို့ တစ်ပတ်အတွင်း ရေ (၃) ကြိမ်လောက်လောင်းပေးရမယ်။ ကျွန်တော်တို့က နောက်ကနေရေကားနဲ့ ရဖြေန်းပေးတာတွေလုပ်ရမှာပေါ့"ဟု တာချီလိတ်မြို့မသုသာန်သစ် တည်ဆောက်ရေးအဖွဲ့ ဥက္ကဌ ဒုရဲမှူးစံသိန်းက တာချီလိတ်သတင်းအေဂျင်စီသို့ပြောသည်။

တာချီလိတ်မြို့မသုသာန်သစ်သွားရာ လမ်းမကြီးတစ်လျှောက်နှင့် သုသာန်တည်ဆောက်ရာနေရာများတွင် ၂၀၁၉ ခုနှစ် မေလ (၃၁) ရက်နေ့တွင် ရွာသွန်းခဲ့သည့်မိုးကြောင့် မြပြေိုမှုများဖြစ်ပေါ်ခဲ့သဖြင့် မြပြေန်ဖို့မှုများလုပ်ဆောင်ခဲ့ရပြီး မြပြေိုမှုများကာကွယ်နိုင်ရန်နှင့် လမ်းမတစ်လျှောက်သာယာလှပစေရန် အရိပ်ရပင်များနှင့် ပန်းအလှပင်များ စိုက်ပျိုးရန်စီစဉ်နခြေင်းဖြစ်သည်။

Tachileik News Agency
ဓာတ်ပုံ - San Thein