~~~~~~~~⊰❂ Unicode Version ❂⊱~~~~~~~~

ထိုင်းနိုင်ငံတွင် အသက် (၁၄)နှစ်အရွယ် ရည်းစားမိန်းကလေးကို သတ်ပြီးမီးရှို့ခဲ့သူကို နှစ်လအကြာတွင် ဖမ်းမိ
**************
ထိုင်းနိုင်ငံတွင် အသက် (၁၄)နှစ်အရွယ် ရည်စားမိန်းကလေးကို အခြားတစ်ယောက်နှင့်တွဲသည်ဟုဆိုကာ သတ်ပြီး မီးရှို့ခဲ့သည့် အသက် (၂၅)နှစ်အရွယ်လူငယ်ကို လူသတ်မှုဖြစ်ပြီး (၂)လအကြာတွင် တိမ်းရှောင်နေသည့်နေရာကို ရဲတပ်ဖွဲ့က ဖေါ်ထုတ်ဖမ်းဆီးရမိလိုက်ကြောင်း သိရသည်။

မောင်းခရိုင်ရှိ တောအုပ်အတွင်း မီးလောင်ထားသည့်အရိုးစုကို ဒေသခံများက ၂၀၁၉ ခုနှစ် မေလ (၂၆)ရက်နေ့တွင် တွေ့ရှိရသဖြင့် ရဲတပ်ဖွဲ့ကစုံစမ်းစစ်ဆေးမှုများ လုပ်ဆောင်ခဲ့ပြီး အရိုးစုမှ DNA စစ်ဆေးချက်ဖြင့် သေဆုံးသူကို အတည်ပြုနိုင်ခဲ့ပြီးနောက် မေလ (၃၀)ရက်နေ့က ဆူရတ်ဌာနရီမှ ဝိစနုဘွန်ခွန်ကို ဖမ်းဆီးနိုင်ခဲ့ခြင်းဖြစ်ကြောင်း သိရသည်။

အဆိုပါ မိန်းကလေး၏အဖွားဖြစ်သူက မတ်လ(၅)ရက်နေ့၌ ရဲစခန်းတွင် လူပျောက်တိုင်တန်းထားပြီး ၎င်း၏မြေးဖြစ်သူပျောက်ဆုံးမှုနှင့်ပတ်သက်၍ ဝိစနုကို သံသယရှိကြောင်းပြောဆိုခဲ့သည်ဟု သိရသည်။

ဝိစနုက မတ်လ (၄)ရက်နေ့တွင် ရည်းစားဖြစ်သူနှင့်အတူ လည်ပတ်ရန်သွားခေါ်ခဲ့ပြီးနောက် အခြားအမျိုးသားတစ်ဦးနှင့် တွဲနေသည့်ကိစ္စဖြင့် စကားများရန်ဖြစ်ရာမှ မိန်းကလေးအား သတ်ပြီး တောအုပ်အတွင်း မီးရှို့ထားခဲ့ကာ ဆူရတ်ဌာနီသို့ ထွက်ပြေးအလုပ်လုပ်နေခြင်းဖြစ်ကြောင်း ထွက်ဆိုသည်ဟု သိရသည်။

Tachileik News Agency
Ref: Bangkok Post