~~~~~~~~⊰❂ Unicode Version ❂⊱~~~~~~~~

တာလေ နှင့် ကျိုင်းလပ်မြို့တို့တွင် ဇွန်လ(၂၂)ရက်နေ့၌ နံနက်(၉)နာရီကစ၍ ညနေ(၄)နာရီအထိ လျှပ်စစ်မီး ပြတ်တောက်မည်
************
မြန်မာ - လာအိုနယ်စပ်ဒေသ တာချီလိတ်ခရိုင်အတွင်း ကျိုင်းလပ်မြို့ အပါအဝင် တာလေမြို့တို့တွင် လျှပ်စစ်မီးကြိုး မီးတိုင်များဖြင့် မလွတ်ကင်းသည့် သစ်ပင်၊သစ်ကိုင်းများအား ခုတ်ထွင်ရှင်းလင်း ဖယ်ရှားမည်ဖြစ်၍ ၂၀၁၉ ခုနှစ်၊ ဇွန်လ(၂၂)ရက်နေ့တွင် လျှပ်စစ်မီး နေ့ပိုင်း ဖြတ်တောက်ထားမည်ဖြစ်ကြောင်း သိရသည်။

  ဇွန်လ(၂၂)ရက်နေ့ နံနက်(၉)နာရီမှ ညနေ(၄)နာရီအချိန်အထိ အဆိုပါ မြို့(၂)မြို့အား လျှပ်စစ်မီးဖြတ်တောက်ကာ လုပ်ငန်းကို အမြန်ဆုံး ဆောင်ရွက်သွားမည်ဖြစ်ကြောင်း သိရသည်။
တာချီလိတ်ခရိုင်အတွင်း တာချီလိတ်မြို့တွင် အသုံးပြုနေသည့် လျှပ်စစ်မီးအား ထိုင်းနိုင်ငံမှ ရယူအသုံးပြုနေခြင်းဖြစ်ပြီး ကျိုင်းလပ်နှင့် တာလေမြို့တို့မှာ လာအိုနိုင်ငံက လျှပ်စစ်မီးအား ရယူ သုံးစွဲနေခြင်းဖြစ်သည်။

Tachileik News Agency